ദോഹ: ഖത്തറില്‍ താമസിക്കുന്ന എല്ലാ മുസ്‌ലിംകളും 2025 മാര്‍ച്ച് 29ന് റമദാന്‍ 29, ഹിജ്‌റ 1446 ശനിയാഴ്ച വൈകുന്നേരം ശവ്വാല്‍ മാസപ്പിറവി നിരീക്ഷിക്കണമെന്നും, മാസപ്പിറവി ദൃശ്യമായാല്‍ അറിയിക്കണമെന്നും ഇസ്‌ലാമിക മത കാര്യ മന്ത്രാലയത്തിന് (ഔഖാഫ്) കീഴിലുള്ള ക്രസന്റ് സൈറ്റിംഗ് കമ്മിറ്റി ആഹ്വാനം ചെയ്തു.

മാസപ്പിറവി കാണുന്നവര്‍ ഔഖാഫിന്റെ ദഫ്‌നയിലെ വെസ്റ്റ്‌ബെ ടവേഴ്സ് ഏരിയയിലെ ഹെഡ് ഓഫീസില്‍ സ്ഥിതി ചെയ്യുന്ന ക്രെസെന്റ് സൈറ്റിംഗ് കമ്മിറ്റി മുമ്പാകെ നേരില്‍ പോയി ബോധ്യപ്പെടുത്തണമെന്നും കമ്മിറ്റി അറിയിച്ചു.