കൊല്ലം: കരുനാഗപ്പള്ളിയിലെ സന്തോഷിന്റെ കൊലപാതകത്തിൽ  രണ്ടുപേർ അറസ്റ്റിൽ. സംഭവത്തിൽ നേരിട്ട് പങ്കാളിയായ രാജപ്പൻ പ്രതിയെ സഹായിച്ച അതുൽ എന്നിവരാണ് പിടിയിലായത്. സംഭവത്തിൽ കൊട്ടേഷൻ നൽകിയ അതുൽ  ഉൾപ്പെടെ നാലുപേർ കൂടി കേസിൽ പിടിക്കപ്പെടാൻ ഉണ്ട്. കൊല്ലം ജില്ലക്ക്‌ പുറത്തുനിന്നായിരുന്നു പ്രതികളെ പിടികൂടിയിരുന്നത്.

വ്യാഴാഴ്ച പുലർച്ചെയായിരുന്നു കരുനാഗപ്പള്ളി താച്ചയിൽമുക്ക് സ്വദേശി സന്തോഷ് കൊല്ലപ്പെട്ടത്. പുലർച്ചെ മൂന്ന് മണിയോടെയാണ് സന്തോഷ്‌ കൊല്ലപ്പെട്ടത്. ജിം സന്തോഷ് എന്ന പേരിൽ അറിയപ്പെട്ട ഇയാൾ നിരവധി ക്രിമിനൽ കേസുകളിൽ പ്രതിയായിരുന്നു. കഴിഞ്ഞ വർഷം  സുഹൃത്തിനെ കുത്തി കൊലപ്പെടുത്താൻ ശ്രമിച്ച സംഭവത്തിൽ സന്തോഷിനെ പൊലിസ് പിടികൂടിയിരുന്നു. അടുത്തിടെയാണ് ഇയാൾ ജാമ്യത്തിന് പുറത്തിറങ്ങിയിരുന്നത്. 

സംഭവത്തിൽ പ്രതികളായ ആളുകളുടെ ചിത്രങ്ങൾ പൊലിസ് പുറത്തു വിട്ടിരുന്നു. നിരവധി ക്രിമിനൽ കേസുകളിൽ ഉൾപ്പെട്ടിട്ടുള്ള ആളുകളാണ് പ്രതികൾ. സംഭവത്തിലെ ഒന്നാം പ്രതികളായ അതുൽ, പ്യാരി എന്നിവർ എംഡിഎംഎ അടക്കമുള്ള കേസുകളിലെ പ്രതികളായിരുന്നു. രണ്ടു കൂട്ടരും  തമ്മിലുള്ള വർഷങ്ങൾ നീണ്ടുനിന്ന വൈര്യാഗ്യമാണ് കൊലയിലേക്ക് നയിച്ചതിന് പിന്നിലുള്ള കാരണമെന്നാണ് പൊലിസിന്റെ നിഗമനം കരുനാഗപ്പള്ളി ഓച്ചിറ കേന്ദ്രീകരിച്ചുള്ള രണ്ട് സംഘങ്ങൾ തമ്മിലാണ് പ്രശ്നം ഉണ്ടായത്.

Incident of Santhosh in Karunagappally Kollam Two accused arrested