ഡൽഹി: കേരളത്തിനായി അനുവദിച്ച എയിംസ് കോഴിക്കോട് ജില്ലയിൽ സ്ഥാപിക്കരുതെന്ന ആവശ്യം കോൺഗ്രസ് എംപി രാജ്മോഹൻ ഉണ്ണിത്താൻ കേന്ദ്ര ആരോഗ്യമന്ത്രിയെ സമീപിച്ച് ഉന്നയിച്ചു. കാസർകോട് പിന്നാക്ക ജില്ലയായതിനാൽ അവിടെ എയിംസ് അനുവദിക്കണമെന്ന് അദ്ദേഹം ആരോഗ്യ മന്ത്രാലയത്തിൻ്റെ കൺസൾട്ടേറ്റീവ് കമ്മിറ്റി യോഗത്തിൽ ആവശ്യപ്പെട്ടു.

കോഴിക്കോട് മെഡിക്കൽ കോളേജും സൂപ്പർ സ്പെഷ്യാലിറ്റി ആശുപത്രികളും നിലവിലുണ്ടെന്നതിനാൽ എയിംസ് കാസർകോട്ടാകണമെന്നും, സംസ്ഥാന സർക്കാർ നൽകിയ പ്രൊപോസൽ തിരുത്തണമെന്നും അദ്ദേഹം ആവശ്യപ്പെട്ടു. ആശ വർക്കർമാരെ തൊഴിലാളികളായി അംഗീകരിച്ചാൽ സമരം അവസാനിക്കുമെന്നും ആരോഗ്യമന്ത്രിയോട് അദ്ദേഹം കൂട്ടിച്ചേർത്തു.

 Congress MP Rajmohan Unnithan has urged the Union Health Minister to reconsider setting up AIIMS in Kozhikode and instead allocate it to Kasaragod, citing the district's lack of advanced medical facilities.