കുവൈത്ത് സിറ്റി: 506 പേരുടെ കൂടി കുവൈത്ത് പൗരത്വം റദ്ദാക്കി പൗരത്വത്തെ സംബന്ധിച്ച് തീരുമാനം കൈകൊള്ളുന്ന സുപ്രീം കമ്മിറ്റി. വിഷയം മന്ത്രിസഭയുടെ പരിഗണനയ്ക്ക് വിട്ടു. ആക്ടിംഗ് പ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ-സബയുടെ അധ്യക്ഷതയിൽ വ്യാഴാഴ്ച ചേർന്ന കമ്മിറ്റി യോഗത്തിലാണ് തീരുമാനം. ആർട്ടിക്കിൾ 11 പ്രകാരം ഇരട്ട പൗരത്വം കാരണമായി ഒരു വ്യക്തിയുടെ പൗരത്വം എടുത്തുകളഞ്ഞു. വഞ്ചന, തെറ്റായ പ്രസ്താവനകൾ എന്നിവ കാരണം 465 വ്യക്തികളുടെയും പൗരത്വം റദ്ദു ചെയ്തിട്ടുണ്ട്. വ്യാജ സത്യവാങ്മൂലം വഴി പൗരത്വം നേടിയ ചിലരുടെയും ആർട്ടിക്കിൾ 13, രാജ്യ താൽപ്പര്യം മുൻനിർത്തി 40 പേരുടെയും പൗരത്വം എടുത്തുകളഞ്ഞതായി കുവൈത്ത് ആഭ്യന്തര മന്ത്രാലയം വെളിപ്പെടുത്തി. 

Kuwait has revoked the citizenship of 506 individuals due to fraudulent naturalization, dual nationality violations, and issues related to national interest, as part of ongoing citizenship revocation efforts.