കണ്ണൂർ: എംഡിഎം നവീൻ ബാബുവിന്റെ മരണത്തിൽ പൊലിസ് കണ്ണൂർ ഫസ്റ്റ് ക്ലാസ് മജിസ്ട്രേറ്റ് കോടതിയിൽ കുറ്റപത്രം സമർപ്പിച്ചു. നവീനിന്റെ മരണത്തിന് പിന്നിലുള്ള ഏകപ്രതി കണ്ണൂർ ജില്ല പഞ്ചായത്ത് മുൻപ്രസിഡന്റായ ടിപി ദീപ്തിയാണെന്നാണ് കുറ്റപത്രത്തിൽ ഉള്ളത്.  ഡിഐജിയുടെ അനുമതി കിട്ടിയതിന് ശേഷമാണ്‌ കുറ്റപത്രം കോടതിയിൽ സമർപ്പിച്ചത്.

പുലർച്ചെ 4 56നും രാവിലെ എട്ടു മണിക്കും ഇടയിലായിരുന്നു നവീൻ ബാബു ആത്മഹത്യ ചെയ്തിരുന്നത്. സംഭവത്തിൽ 76 സാക്ഷികളാണ് കേസിൽ ഉള്ളത്. നവീൻ ബാബു മരണപ്പെട്ടതിനുശേഷം അഞ്ചു മാസങ്ങൾക്ക് ശേഷമാണ് അന്വേഷണസംഘം കുറ്റപത്രം സമർപ്പിക്കുന്നത്. കുറ്റപത്രത്തിൽ നവീൻ കൈക്കൂലി വാങ്ങിയതിന് നേരിട്ട് തെളിവുകളൊന്നും ലഭിച്ചിട്ടില്ലെന്നാണ് പറയുന്നത്. ആദ്യം റവന്യൂ വകുപ്പ്  നടത്തിയ അന്വേഷണത്തിലും ഇതിന് തെളിവുകൾ ലഭിച്ചിരുന്നില്ലെന്ന് കണ്ടെത്തിയിരുന്നു.

യാത്രയയപ്പ് യോഗത്തിൽ ദിവ്യ നവീനെതിരെ നടത്തിയ അധിക്ഷേപമാണ് മരണകാരണമെന്നാണ് കുറ്റപത്രത്തിൽ പറയുന്നത്. തന്റെ ഔദ്യോഗിക ജീവിതത്തിൽ ഗുരുതരമായ വേട്ടയാടൻ ഉണ്ടാകുമെന്ന് നവീൻ ബാബു ഭയപ്പെട്ടിരുന്നുവെന്നും കുറ്റപത്രത്തിൽ കാണാൻ സാധിക്കും.

കഴിഞ്ഞവർഷം ഒക്ടോബർ 14ന് നവീൻ ബാബുവിനെ നൽകിയ യാത്രയയപ്പ് ചടങ്ങിൽ ക്ഷണിക്കാതെ എത്തിയ ടി പി ദിവ്യ അതിക്ഷേപ പ്രസംഗം നടത്തുകയായിരുന്നു. ഇതിന് പിന്നാലെയാണ് നവീൻ ബാബു കോട്ടേഴ്സിൽ തൂങ്ങിമരിച്ചത്. ഇതോടെയാണ് പി പി ക്കെതിരെ ആത്മഹത്യ പ്രേരണത്തിന് പൊലിസ് രേഖപ്പെടുത്തിക്കൊണ്ട് അറസ്റ്റ് ചെയ്തത്. ഇതിനു പിന്നാലെ ജില്ലാ പഞ്ചായത്ത് പ്രസിഡണ്ട് സ്ഥാനത്തു നിന്നും പാർട്ടികളുടെ ചുമതലകളിൽ നിന്നും ദിവ്യയെ ഒഴിവാക്കിയിരുന്നു.

PP Divya sole accused in Naveen Babu's death; Police file chargesheet