ഹൈദരാബാദ്: ഹൈദരാബാദ് സർവകലാശാലയിലെ സമരം റിപ്പോർട്ട് ചെയ്യാനെത്തിയ സൗത്ത് ഫസ്റ്റ്  വെബ് പോർട്ടലിന്റെ റിപ്പോർട്ടർ സുമിത് ഷായെ തെലങ്കാന പൊലീസ് കസ്റ്റഡിയിലെടുത്തു. പ്രസ് ഐഡി കാണിച്ചിട്ടും പൊലീസ് അദ്ദേഹത്തെ അറസ്റ്റ് ചെയ്യുകയായിരുന്നു. കൂടാതെ, ഫോൺ പിടിച്ചെടുത്തതായും പിന്നീട് പ്രതിഷേധം ഉയർന്നതോടെയാണ് തിരികെ നൽകിയതെന്നും റിപ്പോർട്ടുകളുണ്ട്.

സർവകലാശാലയുടെ 400 ഏക്കർ ഭൂമി തെലങ്കാന വ്യവസായ വികസന കോർപ്പറേഷൻ ഏറ്റെടുക്കാൻ തീരുമാനിച്ചതിനെതിരെ വിദ്യാർത്ഥികൾ സമരം തുടരുകയാണ്. ഇന്ന് ഉച്ചയോടെ ക്യാമ്പസിൽ ജെസിബികൾ എത്തിച്ചതറിഞ്ഞ് പ്രതിഷേധിച്ച വിദ്യാർത്ഥികളെ പൊലീസ് തടയുകയായിരുന്നു. ഇതിന് എതിരായ പ്രതിഷേധം ശക്തമായതോടെ, 40 പേരോളം വിദ്യാർത്ഥികളെ പൊലീസ് കസ്റ്റഡിയിലെടുത്തു.

സമരസ്ഥലത്ത് റിപ്പോർട്ട് ചെയ്യുന്നതിനിടെ സുമിത് ഷായെ പൊലീസ് അറസ്റ്റ് ചെയ്തു. അറസ്റ്റിലായവരിൽ മലയാളികളടക്കം നിരവധി വിദ്യാർത്ഥി യൂണിയൻ നേതാക്കളുമുണ്ട്. നേരത്തെ, തെലങ്കാന മുഖ്യമന്ത്രി രേവന്ത് റെഡ്ഡിയെ വിമർശിച്ചതിന് രണ്ട് വനിതാ മാധ്യമപ്രവർത്തകരെ വീട്ടിൽ കയറി അറസ്റ്റ് ചെയ്തിരുന്നു.

Telangana Police detained South First journalist Sumit Shah while he was reporting on a protest at Hyderabad University. Despite showing his press ID, police took him into custody and confiscated his phone, returning it only after protests from fellow journalists.