മലപ്പുറം: കാടാമ്പുഴയില്‍ നിയന്ത്രണം വിട്ട സ്‌കൂട്ടര്‍ കിണറ്റിലേക്ക് വീണ് മാറാക്കര സ്വദേശികൾക്ക് ദാരുണാന്ത്യം. മാറാക്കര സ്വദേശി ഹുസൈന്‍, മകന്‍ ഫാരിസ് ബാബു എന്നിവരാണ് ഇന്ന് രാവിലെ പത്തുമണിയോടെ നടന്ന അപകടത്തിൽ മരിച്ചത്. പരുക്കേറ്റ ഇരുവരെയും ഉടൻ തന്നെ കോട്ടക്കലിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാൻ സാധിച്ചില്ല. 

ഫാരിസ് ആയിരുന്നു സ്‌കൂട്ടര്‍ ഓടിച്ചിരുന്നത്. ഇറക്കം ഇറങ്ങി വരുമ്പോൾ നിയന്ത്രണം നഷ്ടപ്പെട്ട സ്‌കൂട്ടര്‍ തൊട്ടടുത്തുള്ള വീട്ടിലെ കിണറ്റിലേക്ക് വീഴുകയാണുണ്ടായത്. നിയന്ത്രണം വിട്ട സ്‌കൂട്ടര്‍ വീട്ടു മതിലില്‍ ഇടിച്ച് നീങ്ങിയ ശേഷം ഇരുവരുമായി തൊട്ടടുത്തുള്ള കിണറ്റിലേക്ക് വീഴുകയായിരുന്നു.

വീഴ്ചയില്‍ ഗുരുതരമായി പരുക്കേറ്റ ഇരുവരെയും നാട്ടുകാര്‍ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അ​ഗ്നിരക്ഷാ സേനാം​ഗങ്ങൾ എത്തിയാണ് കിണറ്റില്‍ വീണ സ്‌കൂട്ടര്‍ പുറത്തെടുത്തത്. റംസാന്‍ ദിനത്തിൽ പള്ളിയില്‍ നിന്നെത്തി ബന്ധുക്കളെ കാണാന്‍ പോകുന്നതിനിടെയായിരുന്നു അപകടം. 

In a tragic incident in Kadambuzha, a father and son lost their lives after their scooter lost control and plunged into a well. The accident occurred when the vehicle reportedly skidded off the road. Despite immediate rescue efforts by locals and later by fire services, both victims succumbed to their injuries. The community mourns the heartbreaking loss of the duo. Further details are awaited.