മലപ്പുറം: മലപ്പുറം മാറാക്കരയിൽ സ്‌കൂട്ടർ നിയന്ത്രണം വിട്ട് കിണറ്റിൽ വീണ് അച്ഛനും മകനും ദാരുണാന്ത്യം. മാറാക്കര സ്വദേശി ഹുസൈൻ (55)യും മകൻ ഹാരിസ് ബാബു (25)യുമാണ് അപകടത്തിൽപ്പെട്ടത്.

ചെറിയ പെരുന്നാളിനോടനുബന്ധിച്ചുള്ള പ്രാർത്ഥനകൾക്ക് ശേഷം വീട്ടിലേക്ക് മടങ്ങുമ്പോഴായിരുന്നു ദാരുണ അപകടം. നിയന്ത്രണം വിട്ട സ്‌കൂട്ടർ സമീപത്തെ വീടിന്‍റെ മതിലിൽ ഇടിച്ച ശേഷം ഇരുവരും കിണറ്റിലേക്ക് വീഴുകയായിരുന്നു.

ഉടൻ സ്ഥലത്തെ നാട്ടുകാർ ഇരുവരെയും കിണറ്റിൽ നിന്ന് പുറത്തെടുക്കുകയും അതിവേഗം ആശുപത്രിയിലെത്തിക്കുകയും ചെയ്തെങ്കിലും ജീവൻ രക്ഷിക്കാനായില്ല. അപകട വാർത്ത അറിഞ്ഞെത്തിയ ബന്ധുക്കളും നാട്ടുകാരും വലിയ ദുഃഖത്തിലാണ്.സംഭവത്തിൽ പോലീസ് അന്വേഷണം ആരംഭിച്ചു.