തിരുവനന്തപുരം: സംസ്ഥാനത്ത് മയക്കുമരുന്ന് വിൽപ്പന തടയുന്നതിനായി നടന്ന ഓപ്പറേഷൻ ഡി-ഹണ്ടിന്റെ ഭാഗമായി 2,384 പേരെ പരിശോധനയ്ക്ക് വിധേയരാക്കി. സ്പെഷ്യൽ ഡ്രൈവിന്റെ ഭാഗമായി വിവിധ പ്രദേശങ്ങളിലായി നടത്തിയ അന്വേഷണത്തിൽ, നിരോധിത മയക്കുമരുന്ന് കൈവശം വെച്ചതിനായി 90 കേസുകൾ രജിസ്റ്റർ ചെയ്യുകയും 105 പേരെ അറസ്റ്റ് ചെയ്യുകയും ചെയ്തു.

അറസ്റ്റിലായ പ്രതികളിൽ നിന്ന് 0.022 കിലോഗ്രാം എംഡിഎംഎ, 1.03 കിലോഗ്രാം കഞ്ചാവ്, 71 കഞ്ചാവ് ബീഡികൾ എന്നിവ പൊലീസ് പിടിച്ചെടുത്തു. മയക്കുമരുന്ന് സംഭരണം, വിൽപ്പന എന്നിവയിൽ ഏർപ്പെട്ടവരെ കണ്ടെത്തി ശക്തമായ നിയമനടപടികൾ സ്വീകരിക്കുന്നതിന്റെ ഭാഗമായാണ് ഓപ്പറേഷൻ ഡി-ഹണ്ട് സംസ്ഥാനതലത്തിൽ നടത്തിയത്.

പൊതുജനങ്ങളിൽ നിന്ന് മയക്കുമരുന്ന് സംബന്ധിച്ച വിവരങ്ങൾ സ്വീകരിച്ച് അതിന്റെ അടിസ്ഥാനത്തിൽ നടപടികൾ കൈക്കൊള്ളാൻ 24 മണിക്കൂറും പ്രവർത്തിക്കുന്ന ആൻ്റി നർക്കോട്ടിക് കൺട്രോൾ റൂം സജ്ജമാണ്. കൂടാതെ, മയക്കുമരുന്ന് വിരുദ്ധ പ്രവർത്തനങ്ങൾ ശക്തിപ്പെടുത്തുന്നതിന് ക്രമസമാധാന വിഭാഗം എഡിജിപിയുടെ മേൽനോട്ടത്തിൽ ആൻറി നർക്കോട്ടിക് ഇൻറലിജൻസ് സെൽ, എൻഡിപിഎസ് കോർഡിനേഷൻ സെൽ, റേഞ്ച് അടിസ്ഥാനത്തിൽ പ്രവർത്തിക്കുന്ന ആൻറി നർക്കോട്ടിക് ഇൻറലിജൻസ് സെല്ലുകൾ എന്നിവയും പ്രവർത്തനക്ഷമമാക്കി.

As part of Operation D-Hunt, police conducted a statewide search, inspecting 2,384 individuals. Authorities registered 90 cases and arrested 105 people for drug-related offenses. Seized items include 0.022 kg MDMA, 1.03 kg cannabis, and 71 cannabis beedis.