ഹൈദരാബാദ്: ഹൈദരാബാദിൽ 25-കാരിയായ ജർമൻ യുവതിയെ ബലാത്സംഗം ചെയ്‌തെന്ന പരാതിയിൽ  ഒരു ടാക്‌സി ഡ്രൈവർ അറസ്റ്റിലായി. പോലീസ് പ്രതിയെ കസ്റ്റഡിയിൽ എടുത്ത് വിശദമായി ചോദ്യം ചെയ്യുകയാണ്. പഹാഡിഷരീഫിലെ മാമിഡിപ്പള്ളിയിൽ തിങ്കളാഴ്ചയാണ് ഈ ക്രൂര സംഭവം നടന്നത്.

ജർമൻ യുവതി മാർച്ച് 4ന് ഹൈദരാബാദിലെത്തിയത് ഇറ്റലിയിൽ തനിക്കൊപ്പം പഠിച്ച ഒരു സുഹൃത്തിനെ കാണാനായിരുന്നു. കൂടെ മറ്റൊരു ജർമൻ സുഹൃത്തിനുമുണ്ടായിരുന്നു. തിങ്കളാഴ്ച ഇരുവരും നഗരത്തിൽ സന്ദർശനം നടത്തുന്നതിനിടെ, ടാക്‌സി ഡ്രൈവർ അവരെ സമീപിച്ച് നഗരത്തിന്റെ വിവിധ ഭാഗങ്ങൾ കാണിച്ച് തരാമെന്ന വാഗ്ദാനം നല്‍കി.

അവർ ടാക്‌സിയിൽ കയറി പല സ്ഥലങ്ങൾ സന്ദർശിക്കുകയും ഫോട്ടോയെടുക്കുകയും ചെയ്തു. വൈകുന്നേരം യുവതിയുടെ സുഹൃത്തിന് താമസസ്ഥലത്ത് ഇറങ്ങേണ്ടിവന്നപ്പോൾ, ടാക്‌സി ഡ്രൈവർ യുവതിയുമായി യാത്ര തുടരുകയായിരുന്നു. പിന്നീട് ആളൊഴിഞ്ഞ ഒരു സ്ഥലത്ത് വച്ച് ഇയാൾ യുവതിയെ ബലാത്സംഗം ചെയ്തു.

സംഭവത്തിനുശേഷം ഡ്രൈവർ സ്ഥലത്തുനിന്ന് രക്ഷപ്പെടുകയായിരുന്നു. യുവതി ജർമൻ സുഹൃത്തിനെ വിവരം അറിയിക്കുകയും തുടർന്ന് പോലീസിൽ പരാതി നൽകുകയും ചെയ്തു. കേസിന് പിന്നാലെ പോലീസ് അന്വേഷണം ആരംഭിച്ച് ടാക്‌സി ഡ്രൈവറെ അറസ്റ്റ് ചെയ്തു. പോലീസ് അന്വേഷണം പുരോഗമിക്കുകയാണ്.

A 25-year-old German woman was allegedly raped by a taxi driver in Hyderabad. The incident occurred in Mamidipally, Pahadishareef, on Monday. The victim, who arrived in Hyderabad to meet a friend, was offered a city tour by the driver. After dropping off her companion, the driver took her to an isolated location and assaulted her. The woman later reported the incident to the police, leading to the driver's arrest. An investigation is underway.