ദുബൈ: സുഡാനുമായുള്ള ബന്ധത്തിന്റെ പേകരില്‍ യുഎസ് ഉപരോധം ഏര്‍പ്പെടുത്തിയ ഏഴ് കമ്പനികള്‍ക്ക് രാജ്യത്ത് പ്രവര്‍ത്തിക്കാന്‍ അനുമതി ഇല്ലെന്ന് നീതിന്യായ മന്ത്രാലയം അറിയിച്ചു. യുഎസ് ഉപരോധം നേരിടുന്ന ഈ ഏഴു കമ്പനികള്‍ക്കും നിലവില്‍ വാണിജ്യ ലൈസന്‍സ് ഇല്ല.

ഈ വര്‍ഷം ജനുവരി 7നാണ് യുഎഇ ആസ്ഥാനമായി പ്രവര്‍ത്തിക്കുന്ന ഏഴ് സ്ഥാപനങ്ങളെ യുഎസ് ഉപരോധ പട്ടികയില്‍ ഉള്‍പ്പെടുത്തിയത്. കാപ്പിറ്റല്‍ ടാപ്പ് ഹോള്‍ഡിംഗ് എല്‍എല്‍സി, കാപ്പിറ്റല്‍ ടാപ്പ് മാനേജ്‌മെന്റ് കണ്‍സള്‍ട്ടന്‍സീസ് എല്‍എല്‍സി, കാപ്പിറ്റല്‍ ടാപ്പ് ജനറല്‍ ട്രേഡിംഗ് എല്‍എല്‍സി, ക്രിയേറ്റീവ് പൈത്തണ്‍ എല്‍എല്‍സി, അല്‍ സുമൊറൂദ് ആന്‍ഡ് അല്‍ യാക്കൂത് ഗോള്‍ഡ് & ജ്വല്ലേഴ്‌സ് എല്‍എല്‍സി, അല്‍ ജില്‍ അല്‍ ഖാദം ജനറല്‍ ട്രേഡിംഗ് എല്‍എല്‍സി, ഹൊറൈസണ്‍ അഡ്വാന്‍സ്ഡ് സൊല്യൂഷന്‍സ് ജനറല്‍ ട്രേഡിംഗ് എല്‍എല്‍സി എന്നീ സ്ഥാപനങ്ങള്‍ക്കാണ് യുഎഇ വിലക്കേര്‍പ്പെടുത്തിയത്. 

അമേരിക്കന്‍ ഉപരോധത്തിനു പിന്നാലെ യുഎഇ ഈ ഏഴു സ്ഥാപനങ്ങള്‍ക്കും ബന്ധപ്പെട്ട വ്യക്തികള്‍ക്കുമെതിരെ അന്വേഷണം ആരംഭിച്ചിരുന്നു. അന്വേഷണങ്ങളുടെ ഭാഗമായി യുഎസ് അധികൃതരില്‍ നിന്നും യുഎഇ കൂടുതല്‍ വിവരങ്ങള്‍ തേടിയിട്ടുണ്ട്.

ഈ ഏഴ് സ്ഥാപനങ്ങളില്‍ ഒന്നിനും യുഎഇയില്‍ ബിസിനസ് ലൈസന്‍സ് ഇല്ലെന്നും ഇവ നിലവില്‍ യുഎഇയില്‍ പ്രവര്‍ത്തിക്കുന്നില്ലെന്നും നീതിന്യായ മന്ത്രാലയം സ്ഥിരീകരിച്ചു.

ജനുവരിയില്‍, ആര്‍എസ്എഫ് നേതാവ് മുഹമ്മദ് ഹംദാന്‍ ദഗലോയ്‌ക്കെതിരെയും യുഎസ് ഉപരോധം ഏര്‍പ്പെടുത്തിയിരുന്നു. അദ്ദേഹവും കുടുംബവും യുഎസിലേക്ക് യാത്ര ചെയ്യുന്നത് വിലക്കുകയും യുഎസിലുള്ള അദ്ദേഹത്തിന്റെ എല്ലാ സ്വത്തുക്കളും മരവിപ്പിക്കുകയും ചെയ്തിരുന്നു.

​The United Arab Emirates sanctioned seven companies for supplying arms to Sudan's Rapid Support Forces, following U.S. accusations of genocide and sanctions against the paramilitary group's leader.