മുംബൈ: ഇന്ത്യന്‍ ക്രിക്കറ്റ് താരങ്ങളുമായും അന്താരാഷ്ട്ര ക്രിക്കറ്റ് കൗണ്‍സിലിലെ ഉന്നത ഉദ്യോഗസ്ഥനുമായും കൂടിക്കാഴ്ച നടത്തി ദുബൈ കിരീടാവകാശിയും യുഎഇ ഉപപ്രധാനമന്ത്രിയും പ്രതിരോധ മന്ത്രിയുമായ ഷെയ്ഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം. മുംബൈയില്‍ വെച്ചായിരുന്നു നിര്‍ണായക കൂടിക്കാഴ്ച.

രണ്ട് ദിവസത്തെ സന്ദര്‍ശനത്തിനായി ഷെയ്ഖ് ഹംദാന്‍ ഇന്ത്യയില്‍ എത്തിയപ്പോഴാണ് അപ്രതീക്ഷിത കൂടിക്കാഴ്ച നടന്നത്.

കറുത്ത സ്യൂട്ട് ധരിച്ചെത്തിയ ഷെയ്ഖ് ഹംദാന്‍, ഐസിസി ചെയര്‍മാന്‍ ജയ് ഷാ, ഇന്ത്യന്‍ ക്യാപ്റ്റന്‍ രോഹിത് ശര്‍മ്മ, ഇന്ത്യന്‍ ടി20 ടീം ക്യാപ്റ്റന്‍ സൂര്യ കുമാര്‍ യാദവ്, ഹാര്‍ദിക് പാണ്ഡ്യ എന്നിവരുമായി കൂടിക്കാഴ്ച നടത്തി.

'ദുബൈ' എന്ന് എഴുതിയ ഇന്ത്യന്‍ ടീം ജേഴ്സിയില്‍ ഒപ്പിട്ട ഷെയ്ഖ് ഹംദാന്‍ രോഹിത് ശര്‍മ്മയ്ക്കൊപ്പം ജേഴ്സി പിടിച്ചുകൊണ്ട് ഫോട്ടോക്ക് പോസ് ചെയ്യാനും മറന്നില്ല.

'ടീം ഇന്ത്യ കേ സാത്ത് ഏക് യാദ്ഗാര്‍ മുലകാത്ത്' എന്ന ഹിന്ദി അടിക്കുറിപ്പോടെ ഷെയ്ഖ് ഹംദാന്‍ തന്റെ ഔദ്യോഗിക ഇന്‍സ്റ്റാഗ്രാം ഹാന്‍ഡില്‍ കൂടിക്കാഴ്ചയുടെ ചിത്രങ്ങള്‍ പങ്കിട്ടു. പോസ്റ്റ് പെട്ടെന്നാണ് വൈറലായത്.

Dubai Crown Prince Sheikh Hamdan met with Indian cricketers in a warm gesture of sports diplomacy. Star batsman Rohit Sharma, known as 'Hitman', presented a signed jersey to the UAE royal during the meet.