തൃശൂര്‍ തൊട്ടിപ്പാല്‍ ഭഗവതി ക്ഷേത്രത്തിലെ പ്രസിദ്ധമായ പകല്‍ പൂരത്തിനിടെയാണ് അപകടം ഉണ്ടായത്. ആറാട്ടുപുഴ പൂരത്തിന്‍റെ ഭാഗമായി നടന്നു വന്ന പൂരത്തില്‍ കതിന നിറക്കുന്ന സമയത്താണ് തീ പടരുന്നത്. തീപടര്‍ന്നതിനെ തുടര്‍ന്ന് മൂന്ന് പേര്‍ക്ക് പൊള്ളലേറ്റു. ഇതില്‍ ഒരാളുടെ നില അതീവ ഗുരുതരമാണ്.

തലൂര്‍ സ്വദേശികളായ കൊല്ലേരി വീട്ടില്‍ കണ്ണന്‍, വാരിയത്തുപറമ്പില്‍ മോഹനന്‍, കൊല്ലേരി നന്ദനന്‍ എന്നിവരാണ് പൊള്ളലേറ്റത്. ഇവരില്‍ കണ്ണനാണ് ഏറ്റവും കൂടുതൽ പൊള്ളലേറ്റത്. ഇയാളുടെ നില ഗുരുതരമാണെന്ന് ആശുപത്രി അധികൃതർ അറിയിച്ചു.

പരിക്കേറ്റ എല്ലാവരെയും തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്. അപകടം പൂരത്തിന്‍റെ സമാപന ഘട്ടത്തിലാണ് നടന്നത്. കതിനകള്‍ കൂട്ടത്തോടെ നിറച്ചുവെക്കുന്ന സമയത്താണ് അപ്രതീക്ഷിതമായി തീ പടർന്നത്.

തീപിടിത്തത്തിന്‍റെ കാരണം ഇതുവരെ വ്യക്തമല്ല. സംഭവത്തെ തുടര്‍ന്ന് പുതുക്കാട് പൊലീസ് സ്ഥലത്തെത്തി പരിശോധന നടത്തി. കൂടാതെ മേല്‍നടപടികള്‍ സ്വീകരിച്ചിട്ടുമുണ്ട്.

A fire broke out while filling kathina (traditional firecrackers) during the Pakal Pooram at Thottippal Bhagavathy Temple, Thrissur. Three men—Kannan, Mohanan, and Nandan—sustained burn injuries, with Kannan reported to be in critical condition. The incident occurred during the concluding phase of the Arattupuzha Pooram festivities. The cause of the fire is yet to be determined. Puthukkad police have launched an investigation.