കൊച്ചി: സംസ്ഥാന കേരളോത്സവത്തിൽ മുസ്‌ലിംകളെ അപഹസിക്കുന്ന ടാബ്ലോ. ശൈശവ വിവാഹത്തിനെതിരെ എന്ന് അവകാശപ്പെടുന്ന ടാബ്ലോയിൽ തികഞ്ഞ മുസ്‌ലിം വിരുദ്ധതയാണ് അവതരിപ്പിച്ചിരിക്കുന്നത്. സാംസ്‌കാരിക ഘോഷയാത്രയിലാണ് ടാബ്ലോ പ്രദർശിപ്പിച്ചത്. മുസ്‌ലിയാരെന്ന് തോന്നിപ്പിക്കുന്ന വിധത്തിൽ തൊപ്പിയിട്ട ഒരു വയോധികനും തട്ടമിട്ട ചെറിയൊരു ബാലികയും കൈപിടിച്ച് ഇരിക്കുന്നതാണ് ദൃശ്യത്തിലുള്ളത്.  

പരിപാടിക്കെതിരെ ശക്തമായ പ്രതിഷേധമുയരുന്നുണ്ട്. കോതമംഗലത്ത് യു.ഡി.വൈ.എഫ് യുവജന കമ്മീഷൻ വൈസ് ചെയർമാന്റെ കോലം കത്തിച്ച് പ്രതിഷേധിച്ചു. സംഘപരിവാർ പ്രചാരണങ്ങൾക്ക് പ്രോത്സാഹനം നൽകുന്നതാണ് നിസ്ചല ദൃശ്യമെന്നും തയ്യാറാക്കിയവർക്കെതിരെ നടപടി വേണമെന്നും പ്രതിഷേധക്കാർ ആവശ്യപ്പെട്ടു.

കോതമംഗലത്താണ് കേരളോത്സവം നടക്കുന്നത്. മന്ത്രി പി. രാജീവായിരുന്നു കേരളോത്സവം ഉദ്ഘാടനം ചെയ്തത്. യുവജനക്ഷേമ ബോർഡാണ് കേരളോത്സവത്തിന്റെ സംഘാടകർ. നാളെയാണ് സമാപനം. 

A tableau displayed at the Kerala Utsavam in Kothamangalam has sparked protests for allegedly portraying Muslims in a derogatory manner under the guise of opposing child marriage. Youth organizations demand action against those responsible for promoting communal narratives.