തിരുവനന്തപുരം: സംസ്ഥാനത്ത് ഇന്നും ഇടിമിന്നലോട് കൂടിയ ശക്തമായ മഴക്ക് സാധ്യതയുണ്ടെന്ന് കാലാവസ്ഥ വകുപ്പ്. മധ്യ പടിഞ്ഞാറൻ ബംഗാൾ ഉൽക്കടലിന്റെ മുകളിലായി ന്യൂന മർദ്ദം സ്ഥിതി ചെയ്യുന്ന സാഹചര്യത്തിലാണ് കാലാവസ്ഥ വകുപ്പിന്റെ മുന്നറിയിപ്പ്. കണ്ണൂർ, വയനാട്, മലപ്പുറം എന്നീ മൂന്ന് ജില്ലകളിലാണ് മഴ പെയ്യാൻ സാധ്യതകൾ നിലനിൽക്കുന്നത്. 

ഈ മൂന്ന് ജില്ലകളിലും യെല്ലോ അലേർട്ട് പ്രഖ്യാപിച്ചിട്ടുണ്ട്.  മധ്യ പടിഞ്ഞാറൻ ബംഗാൾ ഉൽക്കടലിന്റെ മുകളിലായുള്ള ന്യൂന മർദ്ദം വരും മണിക്കൂറുകളിൽ മധ്യ ബംഗാൾ ഉൾക്കടലിന്റെ മുകളിലൂടെ വടക്ക് കിഴക്ക് ദിശകളിലായി സഞ്ചരിച്ചുകൊണ്ട് ശക്തി കുറയാൻ സാധ്യതകൾ ഉണ്ടെന്നും കാലാവസ്ഥ വകുപ്പ് അറിയിച്ചിട്ടുണ്ട്. ശക്തമായ മഴക്ക് പുറമെ മണിക്കൂറിൽ 30-40 കിലോമീറ്റർ വരെ കാറ്റ് വീശാനും സാധ്യതയുണ്ടെന്നും അതിനാൽ ജാഗ്രത പാലിക്കണമെന്നും നിർദേശമുണ്ട്. 

Chance of rain with thunderstorm in Kerala today Yellow alert in three districts