പാലക്കാട്: പാലക്കാടിൽ ട്രെയിൻ തട്ടി പശുക്കൾ മരിച്ചു. പാലക്കാടിലെ മീങ്കരക്ക് സമീപമാണ്‌ ട്രെയിൻ ഇടിച്ച് 17 പശുക്കൾ മരിച്ചത്. റെയിൽവേ പാളം മുറിച്ചു കടക്കുന്നതിനിടയിൽ ആയിരുന്നു അപകടം സംഭവിച്ചത്. പ്രദേശത്ത് മേയാൻ വിട്ട പശുക്കളാണ് ഇന്ന് രാവിലെ അപകടത്തിൽ മരിച്ചത്.

പശുക്കൾ റെയിൽവേ ട്രാക്ക് മുറിച്ചു കടക്കുന്ന സമയത്ത് വളരെ വേഗത്തിൽ എത്തിയ ട്രെയിൻ പശുക്കളെ ഇടിച്ചു തെറിപ്പിക്കുകയായിരുന്നു എന്നാണ് ലഭിക്കുന്ന വിവരങ്ങൾ. അപകടത്തിനു പിന്നാലെ ട്രാക്കിന് സമീപത്തേക്ക് തെറിച്ചു വീണും ട്രെയിനിന്റെ അടിയിൽ പെട്ടുമാണ് പശുക്കൾ മരണപ്പെട്ടത്. ഇടിയുടെ കടുത്ത ആഘാതത്തിൽ പശുക്കളുടെ ശരീരഭാഗങ്ങൾ ചതഞ്ഞരഞ്ഞ നിലയിലായിരുന്നു കണ്ടെത്തിയിരുന്നത്. 

Train accident in Palakkad 17 cows die tragically