അബൂദബി: യുഎഇയിലെ ഏറ്റവും പുതിയ കാലാവസ്ഥാ വിവരങ്ങള്‍ അപ്‌ഡേറ്റ് ചെയ്ത് ദേശീയ കാലാവസ്ഥാ കേന്ദ്രമായ എന്‍സിഎം. കിഴക്കുനിന്ന് ഉപരിതല ന്യൂനമര്‍ദ്ദവും പടിഞ്ഞാറ് നിന്ന് ഉയര്‍ന്ന മര്‍ദ്ദവും രാജ്യത്ത് തുടരുമെന്നും ഒപ്പം ശക്തമായ പൊടിക്കാറ്റ് അടിക്കുമെന്നുമാണ് പ്രധാന പ്രവചനം. കാലാവസ്ഥാ പ്രവചനത്തിലെ ഹൈലൈറ്റ്‌സുകള്‍ ഇവയാണ്:

* പൊടിക്കാറ്റ്, കാറ്റ്, കടല്‍ പ്രക്ഷുബ്ധമാകാന്‍ സാധ്യത എന്നിവ കാരണം രാജ്യത്തിന്റെ ചില ഭാഗങ്ങളില്‍ യെല്ലോ അലേര്‍ട്ടുകള്‍ പുറപ്പെടുവിച്ചു.

* കാറ്റിനും പ്രക്ഷുബ്ധമായ അവസ്ഥയ്ക്കും സാധ്യതയുള്ളതിനാല്‍ ഒമാന്‍ കടലില്‍ തീരത്ത് ഇന്ന് രാത്രി 8.30 വരെ യെല്ലോ അലേര്‍ട്ട് തുടരും.

* റോഡില്‍ ദൃശ്യപരത കുറയ്ക്കുന്ന പൊടിപടലങ്ങള്‍ ഉണ്ടാകും.  ചിലപ്പോള്‍ ദൃശ്യപരത 3000 മീറ്ററില്‍ താഴെയായി കുറയാം.

* ഇന്നത്തെ ദിവസം മൊത്തത്തില്‍ പൊടിപടലമുള്ളതും ചിലപ്പോള്‍ ഭാഗികമായി മേഘാവൃതവുമാകും. 

* കടലില്‍ മിതമായ കാറ്റ് വീശും, പിന്നീട് ശക്തി പ്രാപിക്കും. 

* ദുബായിലും അബുദാബിയിലും 32 ഡിഗ്രി സെല്‍ഷ്യസ് വരെ താപനില ഉയരാന്‍ സാധ്യതയുണ്ട്. 

* അബുദാബിയില്‍ 40 മുതല്‍ 65 ശതമാനം വരെയും ദുബായില്‍ 40 മുതല്‍ 70 ശതമാനം വരെയും ഹുമിഡിറ്റി അനുഭവപ്പെടും.