അബുദാബി: പ്രാദേശിക വിപണികളിലുടനീളം വിതരണ കാര്യക്ഷമത വര്‍ധിപ്പിക്കുന്നതിനും ആഗോള വിതരണ ശൃംഖലകള്‍ ശക്തിപ്പെടുത്തുന്നതിനുമായി അബൂദബിയില്‍ പ്രാദേശിക വാക്‌സിന്‍ വിതരണ കേന്ദ്രം തുറന്നു.

അബൂദബി ഗ്ലോബല്‍ ഹെല്‍ത്ത് വീക്ക് (എ.ഡി.ജി.എച്ച്.ഡബ്ല്യു) 2025ല്‍ വെച്ച്, അബൂദബി കിരീടാവകാശിയും അബൂദബി എക്‌സിക്യൂട്ടീവ് കൗണ്‍സില്‍ ചെയര്‍മാനുമായ ഷെയ്ഖ് ഖാലിദ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍ മേഖലാ ഹബ്ബിന്റെ ഉദ്ഘാടനത്തിന് സാക്ഷ്യം വഹിച്ചു.

അബൂദബി ആരോഗ്യ വകുപ്പും (DoH - അബുദാബി) പ്രമുഖ ബയോഫാര്‍മ കമ്പനിയായ ജിഎസ്‌കെയും തമ്മില്‍ ഒപ്പുവച്ച ധാരണാപത്രത്തിന്റെ (എംഒയു) അടിസ്ഥാനത്തിലാണ് കേന്ദ്രം തുറന്നിരിക്കുന്നത്.
വാക്‌സിന്‍ വികസനം മുന്നോട്ട് കൊണ്ടുപോകുന്നതിനും ഗവേഷണ വികസന ശ്രമങ്ങള്‍ വര്‍ധിപ്പിക്കുന്നതിനും സമൂഹത്തിലെ എല്ലാ അംഗങ്ങള്‍ക്കും വാക്‌സിന്‍ ലഭ്യത ഉറപ്പാക്കുന്നതിന് പ്രത്യേക വിതരണ കേന്ദ്രങ്ങള്‍ സ്ഥാപിക്കുന്നതിനെ പിന്തുണയ്ക്കുന്നതിനും, പൊതുജനാരോഗ്യ സംവിധാനങ്ങള്‍ ശക്തിപ്പെടുത്തുന്നതിനും, പ്രാദേശികമായും ആഗോളമായും കമ്മ്യൂണിറ്റി തലത്തിലുള്ള രോഗ പ്രതിരോധം വര്‍ധിപ്പിക്കുന്നതിനുമായി പങ്കാളിത്തം ഉണ്ടാകേണ്ടതിന്റെ പ്രാധാന്യം ഷെയ്ഖ് ഖാലിദ് അടിവരയിട്ടു.

വിവിധ ആരോഗ്യ പ്രതിസന്ധികളോടും അടിയന്തരാവസ്ഥകളോടും പ്രതികരിക്കുന്നതില്‍ പ്രതിരോധശേഷിക്കും ഉയര്‍ന്ന തലത്തിലുള്ള തയ്യാറെടുപ്പിനും പേരുകേട്ട യുഎഇയുടെയും അബൂദബിയുടെയും ആരോഗ്യ സംരക്ഷണ സംവിധാനത്തിന്റെ മേന്മയെ ഈ ശ്രമങ്ങള്‍ ശക്തിപ്പെടുത്തുമെന്ന് അദ്ദേഹം പറഞ്ഞു.

ജീവന്‍രക്ഷാ വാക്‌സിനുകള്‍ വേഗത്തില്‍ ലഭ്യമാക്കാന്‍ ഹബ് പ്രാപ്തമാക്കുന്നുവെന്ന് അബൂദബി ഡിഒഎച്ച് ചെയര്‍മാന്‍ മന്‍സൂര്‍ ഇബ്രാഹിം അല്‍ മന്‍സൂരി പറഞ്ഞു.

'ഈ ഹബ് ഒരു ലോജിസ്റ്റിക് നേട്ടം എന്നതിലുപരി, പ്രതിരോധശേഷിയുള്ളതും ഭാവിക്കുതകുന്നതുമായ ആരോഗ്യ സംവിധാനത്തിന്റെ ഒരു നട്ടെല്ലാണ്.' അദ്ദേഹം പറഞ്ഞു.

'ആരോഗ്യകരമായ ഒരു ഭാവി കെട്ടിപ്പടുക്കുന്നതിനുള്ള ഞങ്ങളുടെ പ്രതിബദ്ധത ഈ സഹകരണം അടിവരയിടുന്നു, കൂട്ടായ ശ്രമങ്ങള്‍ക്ക് പ്രാദേശിക ആരോഗ്യ പ്രതിരോധശേഷി വര്‍ധിപ്പിക്കാനും മികച്ച സ്വാധീനം ചെലുത്താനും കഴിയുമെന്ന് ഇത് തെളിയിക്കുന്നു.' ജിഎസ്‌കെ ബോര്‍ഡ് ചെയര്‍മാന്‍ സര്‍ ജോനാഥന്‍ സൈമണ്ട്‌സ് പറഞ്ഞു.

A new local vaccine distribution center has been inaugurated in Abu Dhabi, aiming to enhance healthcare access and support the UAE’s comprehensive health sector development goals.