കൊച്ചി: മുസ്‌ലിം മത ന്യൂന പക്ഷങ്ങള്‍ക്ക് ഇന്ത്യന്‍ ഭരണ ഘടന ഉറപ്പു നല്‍കുന്ന മത സ്വാതന്ത്ര്യവും മൗലികവകാശങ്ങളും കവര്‍ന്നെടുക്കുന്ന വഖ്ഫ് ഭേദഗതി ബില്‍ പിന്‍വലിക്കണമെന്ന് ആവശ്യപ്പെട്ടു മെയ് മൂന്നിനു എറണാകുളം മറൈന്‍ ഡ്രൈവ് ഗ്രൗണ്ടില്‍ നടത്തുന്ന വഖ്ഫ് സംരക്ഷണ റാലിയും സമ്മേളനവും സംഘടിപ്പിക്കും. സമ്മേളനം വിജയിപ്പിക്കുന്നതിന് 1001അംഗ സ്വാഗത സംഗത്തിന് രൂപം നല്‍കി.

സമസ്ത കേരള ജംഇയ്യത്തുല്‍ ഉലമ, സുന്നി ജംഇയ്യത്തുല്‍ ഉലമ, ദക്ഷിണ കേരള ജംഇയ്യത്തുല്‍ ഉലമ, കേരള സംസ്ഥാന ജംഇയ്യത്തുല്‍ ഉലമ എന്നീ നാലു പണ്ഡിത സഭകളുടെ സംയുക്ത ആഭിമുഖ്യത്തില്‍ ആണ് പരിപാടി സംഘടിപ്പിക്കുന്നത്.

സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗം ഐ. ബി ഉസ്മാന്‍ ഫൈസിയുടെ അധ്യക്ഷതയില്‍ ചേര്‍ന്ന സമ്മേളനം ദക്ഷിണ കേരള ജംഇയ്യത്തുല്‍ ഉലമ സംസ്ഥാന വൈസ് പ്രസിഡണ്ട് എം. ബി അബ്ദുല്‍ ഖാദിര്‍ മൗലവി ഉദ്ഘാടനം ചെയ്തു. കേരള മുസ്ലിം ജമാഅത്ത് സംസ്ഥാന വൈസ് പ്രസിഡന്റ് വി. എച്ച് അലി ദാരിമി സ്വാഗതം ആശംസിച്ചു. മുഹമ്മദ് തൗഫീഖ് മൗലവി ആമുഖ  പ്രഭാഷണം  നിര്‍വഹിച്ചു. നാലു പണ്ഡിത സഭകളുടെ പണ്ഡിതരും വിവിധ മഹല്ല് ഭാരവാഹികളും സംസാരിച്ചു. കേരള സംസ്ഥാന ജംഇയ്യത്തുല്‍ ഉലമ ജില്ലാ സെക്രട്ടറി ബഷീര്‍ വഹബി നന്ദി പറഞ്ഞു.

ഭാരവാഹികള്‍: 
എം ബി അബ്ദുല്‍ ഖാദിര്‍ മൗലവി (മുഖ്യ രക്ഷധികാരി)
ഐ ബി ഉസ്മാന്‍ ഫൈസി (ചെയര്‍മാന്‍)
 മുഹമ്മദ് തൗഫീഖ് മൗലവി (വര്‍ക്കിങ്ങ് ചെയര്‍മാന്‍ ) വി എച് അലി ദാരിമി (ജനറല്‍ കണ്‍വീനര്‍), എ എം  പരീത് (വര്‍ക്കിങ് കണ്‍വീനര്‍), ബഷീര്‍ വഹബി (ട്രഷറര്‍)