ദോഹ: ഖത്തറിൽ പലയിടങ്ങളിലും പകൽ സമയത്ത്  ശക്തമായ കാറ്റിന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. കരയിൽ ശക്തമായ കാറ്റിനും കടലിൽ ഉയർന്ന തിരമാലകൾക്കും സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകിയിട്ടുള്ളത്.

ഇന്ന് വൈകുന്നേരം ആറ് മണി വരെ കാലാവസ്ഥ താരതമ്യേന ചൂടുള്ളതും ചില സമയങ്ങളിൽ നേരിയതോതിൽ പൊടിക്കാറ്റും പ്രതീക്ഷിക്കാമെന്നും രാത്രിയിൽ ചിലയിടങ്ങളിൽ മിതമായ ചൂടും പ്രതീക്ഷിക്കുന്നതായി കാലാവസ്ഥ നിരീക്ഷണ കേന്ദ്രം അറിയിച്ചു. തീരത്തെ കാറ്റ് വടക്കുപടിഞ്ഞാറൻ ദിശയിൽ 10-നും 20-നും ഇടയിൽ വേഗതയിലായിരിക്കുമെന്നും പകൽ സമയത്ത് ചില പ്രദേശങ്ങളിൽ കാറ്റ് 28 നോട്ടിക്കൽ മൈൽ വരെ ഉയരാനും സാധ്യതയും തീരത്തും കടലിലും  ദൃശ്യപരത 4 മുതൽ 9 കിലോമീറ്റർ വരെയും, ചിലപ്പോൾ ചില തീരപ്രദേശങ്ങളിൽ 3 കിലോമീറ്ററോ അതിൽ കുറവോ വരാനും സാധ്യതയുണ്ടെന്നും കാലാവസ്ഥ മുന്നറിയിപ്പിൽ പറയുന്നു. ദോഹയിൽ പ്രതീക്ഷിക്കുന്ന ഏറ്റവും ഉയർന്ന താപനില 31 ഡിഗ്രി സെൽഷ്യസാണ്.

Qatar’s Meteorology Department has forecast strong winds and dusty conditions across the country. Residents are advised to take precautions as visibility may drop. The weather change is expected to last for the next few days.