മീററ്റ്: വിവാഹമുറപ്പിച്ചത് 21കാരിയുമായി. പ്രതീക്ഷയോടെ വിവാഹ മണ്ഡപത്തിലിരുന്ന വരന്റെ മുമ്പിലേക്ക് അണിഞ്ഞൊരുങ്ങി എത്തിയതോ വധുവിന്റെ 45കാരിയായ അമ്മ. ഉത്തര്‍പ്രദേശിലെ ബ്രഹ്‌മപുരിയിലാണ് സംഭവം. ഏതായാലും 'വിവാഹ തട്ടിപ്പി'നെതിരെ യുവാവ് പൊലിസില്‍ പരാതി നല്‍കിയിട്ടുണ്ട്. മുഹമ്മദ് അസീം എന്ന 22കാരനാണ് ഈ തട്ടിപ്പിനിരയായത്. 

മാര്‍ച്ച് 31നാണ് മന്‍താഷ എന്ന യുവതിയുമായി അസീമിന്റെ വിവാഹം ഉറപ്പിച്ചത്. അസീമിന്റെ സഹോദരന്‍ നദീമും ഭാര്യ ശാഹിദയുമായിരുന്നു വിവാഹമുറപ്പിക്കാനെത്തിയത്. എന്നാല്‍ വിവാഹ ചടങ്ങിനിടെ മൗലവി വധുവിന്റെ പേര് താഹിറ എന്ന് പറഞ്ഞത് അസീമിന് സംശയമുണ്ടാക്കി. പിന്നാലെ വധുവിന്റെ മുഖാവരണം നീക്കി നോക്കി. അപ്പോഴാണ് പറ്റിക്കപ്പെട്ട വിവരം മനസിലാകുന്നത്. മന്‍താഷയുടെ 45 വയസുള്ള മാതാവായിരുന്നു വധുവായി അണിഞ്ഞൊരുങ്ങി വേദിയിലിരുന്നത്. ഇവരുടെ ഭര്‍ത്താവ് നേരത്തേ മരണപ്പെട്ടതായിരുന്നു.

വിവാഹചടങ്ങിനോടനുബന്ധിച്ച് അഞ്ചുലക്ഷം രൂപ കൈമാറിയതായ് അസീം പറയുന്നു. വിവാഹ വേദിയില്‍ വെച്ച് എതിര്‍ത്ത തന്നെ ബലാത്സംഗക്കേസില്‍ കുടുക്കുമെന്ന് സഹോദരനും സഹോദര ഭാര്യയും ഭീഷണിപ്പെടുത്തിയതായും അസീം പരാതിയില്‍ പറയുന്നു. ഒടുവില്‍ ഒത്തുതീര്‍പ്പിലെത്തിയതായും അസീം പരാതി പിന്‍വലിച്ചതായും പൊലിസ് പറയുന്നു. 

A 22-year-old man from Meerut was shocked when his bride turned out to be the 45-year-old mother of the woman he was promised to marry. The groom filed a police complaint, alleging fraud and threats during the wedding ceremony. The incident has sparked widespread attention.