ആലപ്പുഴ: നെഹ്‌റു ട്രോഫി വള്ളംകളിയുടെ തിയ്യതി മാറ്റത്തില്‍ ഉടന്‍ തീരുമാനമുണ്ടാകാന്‍ സാധ്യത. 1954 മുതല്‍ ഓഗസ്റ്റ് മാസത്തിലെ രണ്ടാം ശനിയാഴ്ചയാണ് നെഹ്‌റു ട്രോഫി വള്ളംകളി നടത്തിവരുന്നത്. എന്നാല്‍ കഴിഞ്ഞ വര്‍ഷം വയനാട് ദുരന്തത്തെ തുടര്‍ന്ന് മത്സരം മാറ്റിവച്ചിരുന്നു. പിന്നീട് സെപ്റ്റംബര്‍ 7നായിരുന്നു മത്സരം നടത്തിയത്. തിയ്യതി മാറ്റം മൂലം ക്ലബുകള്‍ക്ക് ലക്ഷക്കണക്കിന് രൂപ നഷ്ടം സംഭവിക്കുന്നുവെന്ന് റേസ് കമ്മിറ്റി സൂചിപ്പിച്ചു. ഇതിന്റെ പശ്ചാതലത്തില്‍ ഓഗസ്റ്റ് 30ന് മത്സരം നടത്താനുള്ള അനുമതിക്കായി നെഹ്‌റു ട്രോഫി ബോട്ട് റേസ് കമ്മിറ്റി സര്‍ക്കാരിന് അപേക്ഷ സമര്‍പ്പിച്ചിട്ടുണ്ട്.

ആന്‍ ടി ബി ആര്‍ സൊസൈറ്റിയുടെ എക്‌സിക്യൂട്ടീവ് യോഗത്തില്‍ ഓഗസ്റ്റ് 30ന് മത്സരം നടത്താനുള്ള തീരുമാനം എടുത്തിട്ടുണ്ട്. വിനോദസഞ്ചാര വകുപ്പിന്റെയും സംസ്ഥാന സര്‍ക്കാരിന്റെയും അനുമതി ലഭിച്ച ശേഷമാണ് ഔദ്യോഗിക പ്രഖ്യാപനം നടത്തുക. നെഹ്‌റു ട്രോഫിക്ക് സര്‍ക്കാര്‍ നല്‍കുന്ന ഒരു കോടി രൂപ ബോണസ് തുക വര്‍ദ്ധിപ്പിക്കണമെന്നും ക്ലബുകള്‍ ആവശ്യപ്പെട്ടിട്ടിട്ടുണ്ട്.

ഇത്തവണത്തെ മത്സരത്തിനായി ക്ലബുകള്‍ തയ്യാറെടുപ്പുകള്‍ ആരംഭിച്ചിട്ടുണ്ട്. കഴിഞ്ഞ വര്‍ഷത്തെ ചാംപ്യന്‍മാരായ പള്ളാത്തുരുത്തി ബോട്ട് ക്ലബ് ഇത്തവണ മേല്‍പ്പാടം ചുണ്ടനില്‍ തുഴയെറിയും. തിയ്യതി മാറ്റത്തോടെ ഈ വര്‍ഷം തടസ്സമില്ലാതെ മത്സരം നടത്താമെന്ന പ്രതീക്ഷയാണ് വള്ളംകളി പ്രേമികള്‍ക്കുള്ളത്.

The date for the prestigious Nehru Trophy Boat Race in Alappuzha may soon be rescheduled, with authorities expected to make a final decision shortly. Traditionally held on the second Saturday of August since 1954, last year's race was postponed to September 7 due to the Wayanad disaster. This potential date change continues to be a topic of discussion among organizers and enthusiasts of Kerala's iconic snake boat race.