ആന്ധ്രാ പ്രദേശിലെ ശ്രീ സത്യസായി ജില്ലയിലെ കിയ മോട്ടോഴ്‌സിന്റെ ഓട്ടോമൊബൈൽ പ്ലാന്റിൽ നിന്ന് 900 ഓട്ടോമൊബൈൽ എഞ്ചിനുകൾ മോഷ്ടിച്ച കേസിൽ ഒൻപത് പേർ അറസ്റ്റിലായി. കിയയിലെ മുൻ ജീവനക്കാരായ രണ്ട് വിദേശ പൗരന്മാരും പ്രതികൾക്കിടയിലുണ്ട്. പെനുകൊണ്ട ഇൻഡസ്ട്രിയൽ എസ്റ്റേറ്റ് പൊലീസ് സ്റ്റേഷൻ സമർപ്പിച്ച കേസിൽ പ്രതികളെ 14 ദിവസത്തെ ജുഡീഷ്യൽ കസ്റ്റഡിയിൽ വിട്ടതായി അധികൃതർ അറിയിച്ചു.

കിയയുടെ പ്രധാന പ്ലാന്റിനൊപ്പം ഒരു സബ്-അസംബ്ലി യൂണിറ്റും തുറന്ന യാർഡും ഉള്ളതായാണ് വിവരം. പ്ലാന്റിന്റെ പിൻഭാഗത്ത് നിന്ന് ആക്രി സാമഗ്രികൾ കൊണ്ടുപോകുന്ന വഴി ഉപയോഗിച്ചാണ് എഞ്ചിനുകൾ മോഷ്ടിച്ചതെന്ന് പൊലീസിന്റെ നിഗമനം. കമ്പനി ജീവനക്കാരായ മറ്റ് ചിലരും പ്രതികൾക്ക് സഹായം നൽകിയതായി പൊലീസ് സംശയിക്കുന്നു.

2020 മുതൽ 2025 മാർച്ച് വരെ എഞ്ചിൻ മോഷണം നടന്നുവെന്നാണ് കമ്പനി നടത്തിയ ഓഡിറ്റിൽ കണ്ടെത്തിയത്. മോഷ്ടിച്ച എഞ്ചിനുകൾ പ്രാദേശികമായി ലഭ്യമായ സ്പെയർ പാർട്സ് ഉപയോഗിച്ച് വാഹനങ്ങളാക്കി മാറ്റിയേക്കാമെന്നും ഇവ ക്രിമിനൽ പ്രവർത്തനങ്ങൾക്ക് ഉപയോഗിച്ചേക്കാമെന്നും പൊലീസ് അറിയിച്ചു.പെനുകൊണ്ട ഇൻഡസ്ട്രിയൽ എസ്റ്റേറ്റ് പൊലീസ് മോഷണവുമായി ബന്ധപ്പെട്ട് കൂടുതൽ അന്വേഷണം തുടരുകയാണ്.

Nine people, including two foreign nationals, have been arrested in connection with the theft of 900 automobile engines from Kia Motors' plant in Sri Sathya Sai district, Andhra Pradesh. The theft occurred over five years, and was discovered during an audit in March 2025. The engines were allegedly smuggled out through the plant’s scrap disposal route. Police suspect the engines may have been used to assemble illegal vehicles or for other criminal activities. All accused are in 14-day judicial custody.