കോഴിക്കോട്: കോഴിക്കോടിന് സമീപം മായനാട് യുവാവിനെ ഒരു സംഘം മര്‍ദിച്ചു കൊലപ്പെടുത്തി. അമ്പലക്കണ്ട് സ്വദേശി ബോബിയുടെ മകന്‍ 20 കാരനായ സൂരജാണ് കൊല്ലപ്പെട്ടത്. പ്രതികള്‍ ചേവായൂര്‍ പൊലിസിന്റെ പിടിയിലെന്നാണ് സൂചന. സമീപവാസികളായ പിതാവും രണ്ടുമക്കളുമാണ് പിടിയിലായിരിക്കുന്നതെന്നും റിപ്പോര്‍ട്ടുകള്‍ പറയുന്നു. മക്കള്‍ സൂരജിന്റെ സഹപാഠികളാണെന്നാണ് വിവരം 

ആയിരുന്നു സംഭവം. സൂരജും സഹപാഠികളും തമ്മില്‍ വാക്കേറ്റമുണ്ടായെന്നും സംഘര്‍ഷത്തില്‍ കലാശിച്ചെന്നുമാണ് റിപ്പോര്‍ട്ട്. സംഘം ചേര്‍ന്ന് ഇവര്‍ സൂരജിനെ അക്രമിക്കുകയായിരുന്നുവെന്നും റിപ്പോര്‍ട്ടുകള്‍ പറയുന്നു. 
കോഴിക്കോട്: മായനാട് പാലക്കാട്ടുവയലില്‍ ആള്‍ക്കൂട്ട മര്‍ദത്തില്‍ ഇരുപതുകാരന്‍ കൊല്ലപ്പെട്ട സംഭവത്തില്‍ അറസ്റ്റിലായത് അച്ഛനും രണ്ടുമക്കളും. മായനാട് സ്വദേശി മനോജ് മക്കളായ അജയ്, വിജയ് എന്നിവരാണ് പൊലിസ് പിടിയിലായത്. കോളജില്‍ വിദ്യാര്‍ഥികള്‍ തമ്മിലുണ്ടായ ചെറിയ തര്‍ക്കമാണ് സംഘര്‍ഷത്തിലും പിന്നീട് കൊലപാതകത്തിലും കലാശിച്ചതെന്ന് പൊലിസ് പറയുന്നു.

ഇന്നലെ രാത്രി മായനാട് സ്വദേശി സൂരജ് ക്രൂരമായ മര്‍ദനത്തില്‍ കൊല്ലപ്പെട്ടത്.  പ്രദേശത്ത് ഉത്സവം നടക്കുന്നതിനിടെ എത്തിയ സംഘം സൂരജിനെ മര്‍ദിക്കുകയായിരുന്നു.  പിടിയിലായ മനോജ് മക്കളായ അജയ്, വിജയ് എന്നിവര്‍ക്ക് പുറമെ കണ്ടാലറിയാവുന്ന ഇരുപതോളം പേര്‍ അക്രമി സംഘത്തിലുണ്ടായിരുന്നുവെന്ന് സൂരജിന്റെ സുഹൃത്തുക്കള്‍ പറയുന്നു.  

ചെത്തുകടവ് എസ് എന്‍ ഇ സി കോളേജ് വിദ്യാര്‍ഥികളാണ് പിടിയിലായ അജയും വിജയും കൊല്ലപ്പെട്ട സൂരജും.  സൂരജും പ്രതികളിലൊരാളും തമ്മില്‍ കോളജില്‍ വെച്ച്  ചില തര്‍ക്കങ്ങളുണ്ടായിരുന്നുവെന്ന് സുഹൃത്തുക്കള്‍ പറയുന്നു. ഇത് പിന്നീട് ആള്‍ക്കൂട്ട മര്‍ദനത്തില്‍ കലാശിക്കുകയായിരുന്നു. പുറത്തുനിന്നുള്ള ആളുകളും അക്രമിക്കാമനെത്തിയെന്ന് സൂരജിന്റെ സുഹൃത്തുക്കള്‍ പറയുന്നു.  ഗുരുതരമായി പരിക്കേറ്റ സൂരജിനെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചിരുന്നു. എന്നാല്‍ രക്ഷിക്കാനായില്ല. 

കൃത്യത്തില്‍ പങ്കെടുത്ത മറ്റുള്ളവര്‍ക്ക് വേണ്ടിയുള്ള തിരച്ചില്‍ പൊലിസ് ആരംഭിച്ചിട്ടുണ്ട്.