തെഹ്റാന്‍: ഇറാനിലെ ബന്ദര്‍ അബ്ബാസ് തുറമുഖത്തിനടുത്തുള്ള ഷാഹിദ് റജാഈ തുറമുഖത്തുണ്ടായ സ്ഫോടനത്തില്‍ കൊല്ലപ്പെട്ടവരുടെ എണ്ണം 40 ആയി. 1000ത്തിലേറെ പേര്‍ക്ക് പരുക്കേറ്റു. തീ ഇതുവരെയും പൂര്‍ണമായി നിയന്ത്രണവിധേയമാക്കാന്‍ സാധിച്ചിട്ടില്ലെന്നാണ് റിപ്പോര്‍ട്ട്.

ലോകത്തെ എണ്ണ കടത്തിന്റെ അഞ്ചിലൊന്നും കടത്തുന്ന ഹുര്‍മുസ് കടലിടുക്കിനു സമീപമാണിത്. അപകടസ്ഥലം ഇന്നലെ പ്രസിഡന്റ് മസ്ഊദ് പെസഷ്‌കിയാന്‍ സന്ദര്‍ശിച്ചു. വിമാനം വഴി തീ കെടുത്തുന്നതില്‍ പ്രഗത്ഭരായ സ്പെഷലിസ്റ്റുകളെ ഇറാനിലേക്ക് അയച്ചതായി റഷ്യന്‍ എംബസി അറിയിച്ചു. 
മിസൈലുകളില്‍ ഉപയോഗിക്കുന്ന ഇന്ധനമായ സോഡിയം പെര്‍ക്ലോറേറ്റാണ് പൊട്ടിത്തെറിയുണ്ടാക്കിയതെന്ന് ന്യൂയോര്‍ക്ക് ടൈംസ് വിദഗ്ധരെ ഉദ്ധരിച്ച് റിപ്പോര്‍ട്ട് ചെയ്തു.
അപകടത്തില്‍ യു.എ.ഇ ഇറാന് പിന്തുണ അറിയിച്ചു. യു.എന്‍, ഇന്ത്യ, റഷ്യ, സഊദി, പാകിസ്ഥാന്‍, തുര്‍ക്കി എന്നിവ അനുശോചനം അറിയിച്ചു. അപകടത്തെ തുടര്‍നന് ഇറാനില്‍ തിങ്കളാഴ്ച ദുഃഖാചരണം പ്രഖ്യാപിച്ചു. ഹുര്‍മുസാന്‍ പ്രവിശ്യയില്‍ മൂന്നു ദിവസവും ദുഃഖാചരണമുണ്ട്. 
2020ല്‍ ഇസ്റാഈല്‍ ഷാഹിദ് റജാഈ തുറമുഖത്തിനു നേരെ സൈബര്‍ ആക്രമണം നടത്തിയിരുന്നു. 

A massive explosion at Iran’s Shahid Rajaee port near the strategic Hormuz Strait kills 40 and injures over 1000. Firefighting efforts continue. International support and condolences pour in. Sodium perchlorate identified as cause