ജയ്‌പുർ: ഐപിഎല്ലിൽ ​ഗുജറാത്ത് ടൈറ്റൻസിനെ പരാജയപ്പെടുത്തി രാജസ്ഥാ്‍ റോയൽസ്. ടൈറ്റൻസ് ഉയർത്തിയ 210 റൺസ് വിജയലക്ഷ്യം രാജസ്ഥാൻ 15.5 ഓവറിൽ മറികടന്നു. ജയ്പു‌രിലെ സവായ് മാൻസിങ് സ്റ്റേഡിയത്തിൽ വൈഭവ് സൂര്യവൻഷിയുടെ വെടിക്കെട്ടാണ് രാജസ്ഥാന് വിജയം സമ്മാനിച്ചത്. 35 പന്തിൽ സെഞ്ചുറി നേടിയാണ് താരം രാജസ്ഥാന്റെ വിജയ ശില്പിയായത്. സീസണിലെ അതിവേഗ അർധസെഞ്ചുറി കണ്ടെത്താനും ഈ പതിനാലുകാരനായി. 17 പന്തിലാണ് താരം അർധസെഞ്ചുറി നേടിയത്. രാജസ്ഥാനായി യശ്വസി ജയ്സ്വാൾ 70 റൺസ് നേടി പുറത്താവാതെ നിന്നു. 

നേരത്തെ ടോസ് നഷ്ടപ്പെട്ട് ബാറ്റിങ്ങിനെത്തിയ ടൈറ്റൻസിന് വേണ്ടി ക്യാപ്റ്റൻ ശുഭ്മാൻ ​ഗില്ലും, ജോസ് ബട്ലറും അർധ സെഞ്ചുറി നേടി. ​ഗിൽ 50പന്തിൽ നിന്ന് 84 റ‌ൺസ് നേടിയപ്പോൾ, ബട്ലർ 26 പന്തിൽ 50 റൺസ് നേടി പുറത്താവാതെ നിന്നു. നിലവിൽ 10 മത്സരങ്ങളിൽ നിന്ന് മൂന്ന് ജയം മാത്രമുള്ള രാജസ്ഥാൻ നിലവിൽ പോയിന്റ് പട്ടികയിൽ എട്ടാം സ്ഥാനത്താണ്. അതേസമയം ഇന്നത്തെ തോൽവി ​ഗുജറാത്തിന് വലിയ തിരിച്ചടിയായി. നെറ്റ് റൺറേറ്റിൽ വലിയ തിരിച്ചടിയാണ് ​ടൈറ്റൻസ് നേരിട്ടത്. നിലവിൽ ഒമ്പത് മത്സരങ്ങൾ പിന്നിടുമ്പോൾ ആറ് വിജയവും മൂന്ന് തോൽവിയുമായി ​ടൈറ്റൻസ് മൂന്നാം സ്ഥാനത്താണ്. ഇന്നത്തെ മത്സരത്തിനു മുൻപ് രണ്ടാം സ്ഥാനക്കാരായിരുന്നു ടൈറ്റൻസ്. ഇന്നത്തെ മത്സരം ജയിച്ച് ഒന്നാം സ്ഥാനം സ്വന്തമാക്കാനുള്ള അവസരമാണ് ടൈറ്റൻസ് കളഞ്ഞുകുളിച്ചത്. 

മത്സര സംഗ്രഹം
ഗുജറാത്ത് ടൈറ്റൻസ്: 20 ഓവറിൽ 4 വിക്കറ്റ് നഷ്ടത്തിൽ 209 റൺസ്
രാജസ്ഥാൻ റോയൽസ്: 15.5 ഓവറിൽ 2 വിക്കറ്റ് നഷ്ടത്തിൽ 210 റൺസ്

Rajasthan Royals chased down 210 runs in just 15.5 overs against Gujarat Titans, powered by Yashasvi Jaiswal's explosive 101 off 35 balls. The young opener smashed 7 fours and 11 sixes in his record-breaking innings at Sawai Mansingh Stadium. Match highlights and key moments from this high-scoring IPL thriller.