ന്യൂഡല്‍ഹി: ഡല്‍ഹിയില്‍ നിന്നും മഹാരാഷ്ട്രയിലെ ഷിര്‍ദിലേക്കുള്ള വിമാനത്തില്‍ വച്ച് എയര്‍ഹോസ്റ്റസിനെ ലൈംഗികമായി പീഡിപ്പിച്ച യാത്രക്കാരന്‍ പൊലിസ് പിടിയില്‍. വിമാനത്തിലെ ടോയ്‌ലറ്റിനു സമീപത്തു വച്ചാണ് ഇയാള്‍ എയര്‍ഹോസ്റ്റസിനെ പീഡിപ്പിക്കാന്‍ ശ്രമിച്ചത്. ഉടനെ എയര്‍ ഹോസ്റ്റസ് ക്രൂ മാനേജരെ വിവരമറിയിച്ചു. തുടര്‍ന്ന് ഷിര്‍ദ്ദി വിമാനത്താവളത്തില്‍ ലാന്‍ഡ് ചെയ്ത ശേഷം ഇക്കാര്യം സുരക്ഷാ ഉദ്യോഗസ്ഥരെ അറിയിക്കുകയായിരുന്നു. തുടര്‍ന്ന് യാത്രക്കാരനെ റഹത പൊലിസ് സ്റ്റേഷനിലേക്ക് കൊണ്ടുപോയി.

രാജസ്ഥാനിലെ ചുരുവില്‍ നിന്നുള്ള സര്‍ക്കാര്‍ ജീവനക്കാരനായ സന്ദീപ് സുമേര്‍ സിംഗിനെയാണ് പൊലിസ് കസ്റ്റഡിയിലെടുത്തത്. ഇയാള്‍ക്കെതിരെ പീഡനത്തിന് കേസെടുത്തിട്ടുണ്ട്. വൈദ്യപരിശോധനയില്‍ പ്രതി മദ്യം കഴിച്ചിരുന്നതായി സ്ഥിരീകരിച്ചതായി പൊലിസ് അറിയിച്ചു.

'2025 മെയ് 2ന് ഡല്‍ഹിയില്‍ നിന്ന് ഷിര്‍ദ്ദിയിലേക്കു പോയ 6E 6404 വിമാനത്തില്‍ വച്ച് ഒരു യാത്രക്കാരന്‍ ക്യാബിന്‍ ക്രൂവിനോട് അനുചിതമായി പെരുമാറി. ഞങ്ങളുടെ ജീവനക്കാര്‍ നടപടിക്രമങ്ങള്‍ പാലിച്ചു. വിമാനം ഷിര്‍ദിയില്‍ ഇറങ്ങിയ ശേഷം യാത്രക്കാരനെ സുരക്ഷാ ഏജന്‍സികള്‍ക്ക് കൈമാറി. എല്ലാവര്‍ക്കും സുരക്ഷിതവും മാന്യവുമായ അന്തരീക്ഷം ഉറപ്പാക്കാന്‍ ഇന്‍ഡിഗോയില്‍ ഞങ്ങള്‍ പ്രതിജ്ഞാബദ്ധരാണ്. ഉണ്ടായ അസൗകര്യത്തില്‍ ഖേദിക്കുന്നു.' ഇന്‍ഡിഗോയുടെ പ്രസ്താവനയില്‍ പറഞ്ഞു.

A male passenger was arrested after allegedly sexually assaulting an air hostess during a mid-flight incident. Authorities detained him upon landing as investigations continue.