ആലപ്പുഴ: രണ്ടാം പിണറായി വിജയന്‍ സര്‍ക്കാരിന്റെ നാലാം വാര്‍ഷികം ആലപ്പുഴ ജില്ലാതല ആഘോഷം മെയ് 06 മുതല്‍ 12 വരെ. ആലപ്പുഴ ബീച്ചില്‍വെച്ച് കലാ-സാംസ്‌കാരിക പരിപാടികള്‍ അരങ്ങേറും.

വാര്‍ഷികാഘോഷങ്ങളുടെ ഭാഗമായി നടക്കുന്ന എന്റെ കേരളം പ്രദര്‍ശന വിപണനമേളയുടെ ഉദ്ഘാടനം നാളെ ആലപ്പുഴ ബീച്ചില്‍ വെച്ച് നടക്കും. കര്‍ഷക ക്ഷേമ വകുപ്പ് മന്ത്രി പി പ്രസാദ് മേള ഉദ്ഘാടനം ചെയ്യും. 

ജില്ല കളക്ടര്‍ അലക്‌സ് വര്‍ഗീസ് ഐഎഎസ് പരിപാടിക്ക് സ്വാഗതം പറയും ഫിഷറീസ് സാംസ്‌കാരിക വകുപ്പ് മന്ത്രി സജി ചെറിയാന്‍ അധ്യക്ഷത വഹിക്കും. എംപിമാരായ കെസി വേണുഗോപാല്‍, കൊടിക്കുന്നില്‍ സുരേഷ് എന്നിവര്‍ ചടങ്ങില്‍ പങ്കെടുക്കും. 

മെയ് 09ന് രാവിലെ 10 മുതല്‍ ഉച്ചയ്ക്ക് 12 വരെ കരിയര്‍ ഓറിയന്റേഷന്‍ സെമിനാര്‍ സംഘടിപ്പിക്കും. കുട്ടനാട് എംഎല്‍എ തോമസ് കെ തോമസ് സെമിനാര്‍ ഉദ്ഘാടനം ചെയ്യും. ഉച്ചകഴിഞ്ഞ് 02 മുതല്‍ 3.30 വരെ ലഹരിയും കുറ്റകൃത്യങ്ങളും- സാമൂഹ്യ പ്രതിരോധ പരിപാടികളില്‍ യുവജന പങ്കാളിത്തം എന്ന വിഷയത്തില്‍ സെമിനാര്‍ സംഘടിപ്പിക്കും. നഗരസഭ വൈസ് ചെയര്‍പേഴ്‌സണ്‍ പിഎസ്എം ഹുസൈന്‍ സെമിനാര്‍ ഉദ്ഘാടനം ചെയ്യും. അന്നേദിവസം വൈകീട്ട് 7 മുതല്‍ നൊസ്റ്റാള്‍ജിയ ഗാനമേള സംഘടിപ്പിക്കും. 

മെയ് 12 വരെ വിവിധ കലാസാംസ്‌കാരിക പരിപാടികള്‍ നടക്കും. മെയ് 11ന് ഞായറാഴ്ച്ച വെകീട്ട് 7 മണിമുതല്‍ ഗായകന്‍ നജീം അര്‍ഷാദിന്റെ നേതൃത്വത്തില്‍ ഗാനമേള നടക്കും.

മെയ് 12ന് വൈകീട്ട് 6 മണിമുതല്‍ എന്റെ കേരളം പ്രദര്‍ശന വിപണനമേളയുടെ സമാപന സമ്മേളനം നടക്കും. ഫിഷറീസ് സാംസ്‌കാരിക വകുപ്പ് മന്ത്രി സജി ചെറിയാന്‍ മേളയുടെ സമാപന സമ്മേളനം ഉദ്ഘാടനം ചെയ്യും.

 fourth anniversary of the second Pinarayi Vijayan government will be celebrated district-wide in Alappuzha from May 6 to 12.