മിലാന്‍:  സ്പാനിഷ് വമ്പന്‍മാരായ ബാഴ്‌സലോണയെ കീഴടക്കി ഇറ്റാലിയന്‍ ക്ലബ്ബായ ഇന്റര്‍ മിലാന്‍ യുവേഫ ചാമ്പ്യന്‍സ് ലീഗ് ഫൈനലില്‍. സ്വന്തം തട്ടകത്തില്‍ യൂറോപ്പിലെ തന്നെ ഏറ്റവും മികച്ച ക്ലബ്ബുകളില്‍ ഒന്നായ ബാഴ്‌സയെ 4-3ന് മറികടന്നാണ് ഇന്റര്‍ മിലാന്‍ ഫെനലിലേക്ക് മാര്‍ച്ച് ചെയ്തത്. 
സെമിയില്‍ ഇരു പാദങ്ങളിലുമായി 7-6 എന്ന മാര്‍ജിനാണ് ഇന്ററിന്റെ ചാമ്പ്യന്‍സ് ലീഗ് ഫൈനല്‍ പ്രവേശനം. 

ഇന്റര്‍ മിലാന്റെ മൂന്നാം യുവേഫ ചാമ്പ്യന്‍സ് ലീഗ് ഫൈനലാണിത്. കഴിഞ്ഞ മൂന്നു വര്‍ഷത്തിനിടെ രണ്ടാം തവണയാണ് ഇന്റര്‍ ഫൈനലില്‍ എത്തുന്നത്. ഇന്നു നടക്കുന്ന ആര്‍സണല്‍-പിഎസ്ജി മത്സരത്തിലെ വിജയികളാകും ജൂണ്‍ ഒന്നിന് മ്യൂണിക്കില്‍ നടക്കുന്ന ഫൈനല്‍ പോരില്‍ ഇന്ററിന്റെ എതിരാളികള്‍.

ലൗട്ടാരോ മാര്‍ട്ടിനസ്, ഹാക്കന്‍ ചലനോളു, ഫ്രാന്‍സെസ്‌കോ അചര്‍ബി, ഡേവിഡ് ഫ്രാറ്റസി എന്നിവര്‍ ഇന്റര്‍ മിലാനായി വല കുലുക്കിയപ്പോള്‍ എറിക് ഗാര്‍സിയ, ഡാനി ഓല്‍മോ, റഫീഞ്ഞ്യ എന്നിവരാണ് ബാഴ്‌സക്കായി സ്‌കോര്‍ ചെയ്തത്. 

ആദ്യ പകുതിയില്‍ പിന്നിലായ ബാഴ്‌സ രണ്ടാം പകുതിയില്‍ മൂനന്ു ഗോള്‍ തിരിച്ചടിച്ച് വിജയത്തിന്റെ വക്കിലായിരുന്നു. ഇന്റര്‍ ഗോള്‍ കീപ്പര്‍ യാന്‍ സോമറിന്റെ പ്രകടനം നിര്‍ണായകമായി.

ബാഴ്‌സയുടെ തട്ടകത്തില്‍ നടന്ന ആദ്യ പാദത്തില്‍ ഇരു ടീമുകളും 3-3 എന്ന നിലയില്‍ സമനില പാലിച്ചിരുന്നു. അന്ന് 21 മിനിറ്റിനിടെ രണ്ട് ഗോളുകളുടെ ലീഡെഡുത്ത ശേഷമായിരുന്നു ഇന്റര്‍ സമില വഴങ്ങിയത്. ഇന്ററിനായി ഡെന്‍സല്‍ ഡംഫ്രൈസ് ഇരട്ട ഗോള്‍ നേടിയപ്പോള്‍, ശേഷിച്ച ഒരു ഗോള്‍ നേടിയത് മര്‍കസ് തുറാം ആയിരുന്നു. ബാഴ്‌സക്കായി ലാമിന്‍ യാമലും, ഫെറാന്‍ ടോറസും സ്‌കോര്‍ ചെയ്തപ്പോള്‍ ഒരു ഗോള്‍ ഇന്റര്‍ ഗോള്‍കീപ്പര്‍ യാന്‍ സോമറിന്റെ സെല്‍ഫ് ഗോളാണ്.

"In a dramatic clash in Milan, Barcelona's dreams of reaching the Champions League final were shattered as Inter Milan triumphed, securing their place in the prestigious final. Emotions ran high as Barca faced disappointment, while Inter celebrated a historic achievement."