ന്യൂയോര്‍ക്ക്: യു.എസ് ഓപണ്‍ മിക്‌സഡ് ഡബിള്‍സില്‍ ഇന്തോ-കനേഡിയന്‍ ജോഡി രോഹന്‍ ബൊപ്പണ്ണ-ഗബ്രിയേല ഡാബ്രോവ്‌സ്‌കി സഖ്യം ക്വാര്‍ട്ടറില്‍ കടന്നു. ലൂക്കാസ് കുബോട്ട്-ആന്‍ഡ്രിയ ലാവക്കോവ സഖ്യത്തെയാണ് പരാജയപ്പെടുത്തിയത്. സ്‌കോര്‍ 5-7, 6-3,10-7. റോബര്‍ട്ട് ഫറാ- അന്നാ ലെന ഗ്രീന്‍ഫെല്‍ഡ് സഖ്യമാണ് ക്വാര്‍ട്ടറില്‍ ബൊപ്പണ്ണ സഖ്യത്തിന് എതിരാളി.
എന്നാല്‍ ഏറെ പ്രതീക്ഷയുമായിറങ്ങിയ ലിയാന്‍ഡര്‍ പെയ്‌സ്-മാര്‍ട്ടിന ഹിംഗിസ് സഖ്യം രണ്ടാം റൗണ്ടില്‍ അമേരിക്കന്‍ ജോഡി കോക്കോ വാന്‍ഡെവെഗെ-രാജീവ് റാം സഖ്യത്തോട് പരാജയപ്പെട്ടു. സ്‌കോര്‍ 7-6, 3-6, 13-11. വനിതാ വിഭാഗം ഡബിള്‍സില്‍ സാനിയ മിര്‍സ-ബാര്‍ബറ സ്‌ട്രൈക്കോവ സഖ്യം മൂന്നാം റൗണ്ടിലെത്തിയിട്ടുണ്ട്. വിക്ടോറിയ ഗൊലൂബിക്-നിക്കോളെ മെലിക്കര്‍ സഖ്യത്തെയാണ് പരാജയപ്പെടുത്തിയത്. സ്‌കോര്‍ 6-2, 7-6.