അടിമാലി: ഇടുക്കി ജില്ലയിലെ അടിമാലി വെള്ളത്തൂവൽ സ്റ്റേഷൻ പരിധിയിൽ വരുന്ന ഒരു വീടിന് തീപിടിച്ച് നാല് ആളുകൾ മരിച്ചതായി സൂചന. പണിക്കൻകുടി കൊമ്പൊടിഞാലിലെ വീട്ടിലെ ഒരു കുടുംബത്തിലെ നാല് പേരാണ് മരിച്ചത്. തള്ളിപ്പടവിൽ പരേതനായ അനീഷിന്റെ ഭാര്യ ശുഭ(44), മക്കളായ അഭിനന്ദ് (10), അഭിനവ് (6) എന്നിവരാണ് മരിച്ചത്. ശുഭഭയുടെ അമ്മയായ പൊന്നമ്മ വീട്ടിൽ ഉണ്ടായിരുന്നതായി പ്രദേശവാസികൾ പറയുന്നുണ്ട്. സംഭവത്തിൽ അഭിനവിന്റെ മൃതദേഹം നാട്ടുകാർ ചേർന്ന് അടിമാലി താലൂക്ക് ഹോസ്പിറ്റലിൽ എത്തിച്ചു.

പൊലിസും അഗ്നിരക്ഷാ സംഘവും സംഭവം നടന്ന സ്ഥലത്തേക്ക് പോയിട്ടുണ്ട്. രണ്ട് ആളുകളുടെ കത്തിക്കഴിഞ്ഞ ശരീരമാണ് വീട്ടിൽ നിന്നും കണ്ടെത്തിയത്. മറ്റൊരാളുടെ മൃതദേഹം വീടിന്റെ അവശിഷ്ടങ്ങൾക്കിടയിൽ ഉണ്ടായിരിക്കാം എന്നാണ് പൊലിസ് പ്രതീക്ഷിക്കുന്നത്. സംഭവം വൈകുനേരം 6. 30 ഓടെയാണ് നാട്ടുകാർ അറിയുന്നത്.  ഇന്നലെയാണ് തീപ്പിടുത്തം ഉണ്ടായിരിക്കുക എന്നതാണ് സംഭവത്തിലെ പ്രാഥമിക നിഗമനം. സംഭവസ്ഥലത്ത് കഴിഞ്ഞദിവസം മഴ പെയ്തു എന്നും നാട്ടുകാർ പറഞ്ഞു. ഫോറൻസിക്ക് സഹായത്തോടെ നാളെ കൂടുതൽ പരിശോധനകൾ നടത്തും.

House fire in Adimali four people dead