വടക്കാഞ്ചേരി: നഗരസഭയിലെ പുതുരുത്തിയില്‍ ജനകീയ കൂട്ടായ്മയില്‍ നിര്‍മ്മിച്ച റോഡിന്റെ ഉദ്ഘാടനം ഉത്സവാന്തരീക്ഷത്തില്‍ നടന്നു. നാടിന്റെ മുത്തച്ഛന്‍ കോരുണ്ണി (കുഞ്ഞുമോന്‍ 102) ആണ് നാട മുറിച്ച് റോഡ് ഉദ്ഘാടനം ചെയ്തത്.
വര്‍ഷങ്ങളായി തകര്‍ന്ന് കിടക്കുന്ന റോഡ്  നാട്ടുകാര്‍ ചേര്‍ന്നാണ് കോണ്‍ക്രീറ്റ് ചെയ്തത്. അതുകൊണ്ടു തന്നെ ഉദ്ഘാടന ചടങ്ങും ഭരണാധികാരികളെ ഒഴിവാക്കി ജനകീയമാക്കാന്‍ തീരുമാനമെടുക്കുകയായിരുന്നു.
റോഡിന് സഖാവ് നഗര്‍ റോഡെന്നാണ് നാമകരണം ചെയ്തിട്ടുള്ളത്.