വടക്കാഞ്ചേരി: കാര്‍ഷിക രംഗത്ത് കേരളത്തിന് മുഴുവന്‍ മാതൃകയായ വടക്കാഞ്ചേരി ബ്ലോക്ക് പഞ്ചായത്ത് ഗ്രീന്‍ ആര്‍മിയുടെ പ്രവര്‍ത്തനത്തെ കുറിച്ച് പഠിക്കാന്‍ ഇടുക്കിയില്‍ നിന്നുള്ള 50 അംഗ സംഘം വടക്കാഞ്ചേരിയിലെത്തി.
കാമാഷി പഞ്ചായത്തിലെ നന്മേനി സഹകരണ ബാങ്കിന് കീഴില്‍ പ്രവര്‍ത്തിക്കുന്ന കാര്‍ഷിക കര്‍മസേനയിലെ മെമ്പര്‍മാരാണ് ഗ്രീന്‍ ആര്‍മിയെ കുറിച്ച് പഠിക്കാനെത്തിയത്. നേരത്തെ ഗ്രീന്‍ ആര്‍മി അംഗങ്ങള്‍ ഇടുക്കിയിലെത്തി കര്‍ഷക സേന അംഗങ്ങള്‍ക്ക് ക്ലാസെടുത്തിരുന്നു. പ്രവര്‍ത്തനം നേരിട്ട് കണ്ടറിയുക എന്ന ലക്ഷ്യത്തോടെയാണ് വനിതകളടക്കമുള്ള സംഘങ്ങള്‍ എത്തിയത്. ഉത്രാളി പാടശേഖരത്ത് യന്ത്ര ഞാറ് നടീല്‍ പ്രവര്‍ത്തനം കണ്ട് മനസിലാക്കിയ സംഘം അതിന്റെ വിശദാംശങ്ങളെ കുറിച്ച് ചോദിച്ച്  മനസിലാക്കി. യുവ കര്‍ഷകരടക്കമുള്ളവര്‍ മെഷീന്‍ ഓടിച്ച് ഞാറ് നട്ടു.നഗരസഭ വൈസ് ചെയര്‍മാന്‍ എം.ആര്‍ അനൂപ് കിഷോര്‍, ഗ്രീന്‍ ആര്‍മി കോഡിനേറ്റര്‍ പി.ആര്‍ അരവിന്ദാക്ഷന്‍ എന്നിവര്‍ ചേര്‍ന്നു സംഘത്തെ സ്വീകരിച്ചു.