ദുബൈ: ഇലോണ്‍ മസ്‌കിന്റെ ന്യൂറോ ടെക്‌നോളജി കമ്പനിയായ ന്യൂറലിങ്ക്, അബൂദബി ആരോഗ്യ വകുപ്പുമായി സഹകരിച്ച് മിഡില്‍ ഈസ്റ്റിലെ ആദ്യത്തെ ക്ലിനിക്കല്‍ ട്രയല്‍ അബൂദബിയിലെ ക്ലീവ്‌ലാന്‍ഡ് ക്ലിനിക്കില്‍ ആരംഭിക്കുന്നു. മോട്ടോര്‍, സംസാര വൈകല്യമുള്ള വ്യക്തികള്‍ക്ക് ഉപകരണങ്ങള്‍ നിയന്ത്രിക്കാനും ആശയവിനിമയം നടത്താനും 'യുഎഇപ്രൈം' ട്രയല്‍ വിശകലനം ചെയ്യുമെന്ന് കമ്പനി അറിയിച്ചു. ട്രയലില്‍ ന്യൂറല്‍ പ്രവര്‍ത്തനം രേഖപ്പെടുത്തുകയും ഡിജിറ്റല്‍ സിഗ്‌നലുകളാക്കി മാറ്റുകയും ചെയ്യും.

Neuralink is partnering with UAE and Cleveland Clinic! https://t.co/HeEufumqoc

— Kekius Maximus (@elonmusk) May 15, 2025

വിവിധ നാഡീവ്യവസ്ഥാ അവസ്ഥകള്‍ക്ക് ചികിത്സിക്കുന്നതിനായി ഇംപ്ലാന്റ് ചെയ്യാവുന്ന ബ്രെയിന്‍കമ്പ്യൂട്ടര്‍ ഇന്റര്‍ഫേസുകള്‍ (ബിസിഐ) വികസിപ്പിക്കുക എന്നതാണ് ന്യൂറലിങ്കിന്റെ ലക്ഷ്യം. 2016ല്‍ എലോണ്‍ മസ്‌ക് സ്ഥാപിച്ച ഈ കമ്പനി, മനുഷ്യന്റെ തലച്ചോറിനും കമ്പ്യൂട്ടറുകള്‍ക്കുമിടയില്‍ നേരിട്ടുള്ള ഇന്റര്‍ഫേസ് സ്ഥാപിക്കാന്‍ ശ്രമം നടത്തുന്നു. ന്യൂറലിങ്കിന്റെ സാങ്കേതികവിദ്യ ക്രമേണ മനുഷ്യന്റെ കഴിവുകള്‍ വര്‍ധിപ്പിക്കാനും പക്ഷാഘാതം, അപസ്മാരം തുടങ്ങിയ അവസ്ഥകള്‍ ചികിത്സിക്കാന്‍ സഹായിക്കാനും കഴിയുമെന്നാണ് അവകാശപ്പെടുന്നത്.

🇦🇪 We’re launching our first clinical trial in the Middle East at Cleveland Clinic Abu Dhabi in partnership with the Department of Health Abu Dhabi!

The UAE-PRIME trial explores how individuals with motor and speech impairment can use thought to control devices & communicate. pic.twitter.com/hRzjCObzOk

— Neuralink (@neuralink) May 14, 2025

സ്‌പേസ് എക്‌സ്, ടെസ്‌ല, സോഷ്യല്‍ മീഡിയ പ്ലാറ്റ്‌ഫോം എക്‌സ് എന്നിവയുടെ സിഇഒ കൂടിയായ മസ്‌ക്, തന്റെ എക്‌സ് പ്രൊഫൈലില്‍ യുഎഇയുമായുള്ള പങ്കാളിത്തത്തെക്കുറിച്ചുള്ള വാര്‍ത്തകള്‍ പങ്കിട്ടിട്ടുണ്ട്. 

ട്രയലിനായി അപേക്ഷിക്കുന്നതിനുള്ള മാനദണ്ഡങ്ങള്‍:

• ഇനിപ്പറയുന്നവയില്‍ ഏതെങ്കിലുമൊന്നിന്റെ ഫലമായി ഉണ്ടാകുന്ന ക്വാഡ്രിപ്ലെജിയ ഉണ്ടാകുക.
• സുഷുമ്‌നാ നാഡിക്ക് പരുക്ക്, അല്ലെങ്കില്‍ അമിയോട്രോഫിക് ലാറ്ററല്‍ സ്‌ക്ലിറോസിസ് (ALS).
• പരുക്ക് കഴിഞ്ഞ് കുറഞ്ഞത് ഒരു വര്‍ഷമെങ്കിലും കഴിഞ്ഞിട്ടും യാതൊരു പുരോഗതിയും ഉണ്ടാകാതിരിക്കുക.
• 22 വയസ്സോ അതില്‍ കൂടുതലോ പ്രായമുണ്ടായിരിക്കണം.
• കൂടെ ഒരു പരിചാരകന്‍ ഉണ്ടായിരിക്കുണം.

The UAE will host the first Neuralink brain chip trial outside the US, marking a major step in global neurotechnology collaboration with Elon Musk’s company.