പത്തനംതിട്ട: പത്തനംതിട്ടയിൽ ഹോം നേഴ്സിന്റെ മർദനത്തിൽ ഗുരുതരമായി പരുക്കേറ്റ് ചികിത്സയിൽ കഴിഞ്ഞിരുന്ന അൽഷിമേഴ്‌സ് രോഗി മരിച്ചു. തട്ട സ്വദേശി ശശീധരൻ പിള്ളയാണ് മരിച്ചത്. 59 വയസായിരുന്നു. കഴിഞ്ഞ കുറച്ചു ദിവസങ്ങളിലായി പരുമല ആശുപത്രിയിൽ ചികിത്സയിൽ ആയിരുന്നു ശശിധരൻ. ഒരു മാസം മുമ്പായിരുന്നു ശശിധരനെ ഹോം നേഴ്‌സ് മർദിച്ചത്.

മർദ്ദനത്തിൽ ശശിധരന് ആന്തരിക രക്തസ്രാവം വരെ ഉണ്ടായിരുന്നുവെന്നാണ് മെഡിക്കൽ റിപ്പോർട്ട് പറയുന്നത്. ആദ്യം അടുക്കളയിൽ വീണു ശശിധരന് പരുക്ക് സംഭവിച്ചുവെന്നാണ് കുടുംബം കരുതിയിരുന്നതാണ്.

എന്നാൽ സിസിടിവി ദൃശ്യങ്ങൾ പരിശോധിച്ചപ്പോഴാണ് ശശിധരൻ മർദനത്തിന് ഇരയായ വിവരം കുടുംബം അറിഞ്ഞത്. സംഭവത്തിൽ കൊല്ലം കുനിക്കാട്‌ സ്വദേശിയായ വിഷ്ണുവിനെ പൊലിസ് അറസ്റ്റ് ചെയ്തിരുന്നു. ജാമ്യമില്ലാ വകുപ്പുകൾ പ്രകാരം അറസ്റ്റ് ചെയ്ത വിഷ്ണു നിലവിൽ റിമാൻഡിലാണ്. 

Alzheimers patient dies after being beaten by home nurse in Pathanamthitta