യുഎഇ: റാസൽഖൈമയിൽ പർവതനിരകളിൽ കുടുങ്ങിയ വൃദ്ധനെ രക്ഷിച്ച് യുഎഇ നാഷണൽ ഗാർഡ്. റാസൽഖൈമ പൊലിസുമായി ഏകോപിപ്പിച്ചാണ് രക്ഷാപ്രവർത്തനം നടന്നത്. ഏകദേശം 70 വയസ്സ് പ്രായമുള്ള ആളെയാണ് യുഎഇ നാഷണൽ ഗാർഡ് രക്ഷിച്ചത്. വളരെ അവശനിലയിലായിരുന്നു ഇയാളെ പർവതനിരകളിൽ നിന്നും നാഷണൽ ഗാർഡ് കണ്ടെത്തിയത്. ഉയർന്ന താപനിലയും  ക്ഷീണവും നേരിട്ടതിന് പിന്നാലെയാണ് വൃദ്ധൻ പർവ്വതനിരകളിൽ കുടുങ്ങിയത്.

ഈ വിവരം ലഭിച്ച ഉടനെ തന്നെ നാഷണൽ സെർച്ച് ആൻഡ് റെസ്ക്യൂ സെന്റർ  ഇയാൾ കുടുങ്ങിക്കിടക്കുന്ന സ്ഥലം കണ്ടെത്തുകയായിരുന്നു. പർവതനിരയിൽ ഹെലികോപ്റ്ററിൽ എത്തിയാണ് സംഘം ഇയാളെ രക്ഷിച്ചത്. തുടർന്ന് ഇയാളെ ആശുപത്രിയിലേക്ക് കൊണ്ടുപോവുകയും ആയിരുന്നു. 

ഇത്തരത്തിലുള്ള അടിയന്തര സാഹചര്യങ്ങൾ ഉണ്ടായാൽ 995 എന്ന നാഷണൽ സെർച്ച് ആൻഡ് റെസ്ക്യൂ ഹോട്ട് ലൈറ്റിന്റെ നമ്പറിൽ വിളിച്ച് റിപ്പോർട്ട് ചെയ്യണമെന്ന് ഉദ്യോഗസ്ഥർ അറിയിച്ചു. ജനങ്ങൾ സുരക്ഷ മാർഗ്ഗനിർദ്ദേശങ്ങൾ കൃത്യമായി പാലിക്കണമെന്നും നിലവിലുള്ള ഉയർന്ന താപനിലയിലുള്ള കാലാവസ്ഥ വളരെ ശ്രദ്ധിക്കണമെന്നും നാഷണൽ ഗാർഡും റാസൈൽഗൈമ പൊലിസും വ്യക്തമാക്കി.

Amazing adventure UAE National Guard rescues 70-year-old man from Ras Al Khaimah mountains