ആലക്കോട്:  ഉഗ്രസ്‌ഫോടക ശേഷിയുള്ള 56  ഇലക്ട്രിക് ഡിറ്റനേറ്ററുകള്‍ ഉപേക്ഷിക്കപ്പെട്ട നിലയില്‍ കണ്ടെണ്ടത്തി. വനാതിര്‍ത്തിയായ ചീക്കാട് മധുവനത്ത് റോഡരികിലാണ് ഇവ കണ്ടെണ്ടത്തിയത്. ഇന്നലെ വൈകുന്നേരം നാലു മണിയോടെ നാട്ടുകാര്‍ വിവരമറിയിച്ചതിനെ തുടര്‍ന്ന് ആലക്കോട് പൊലിസ് സ്ഥലത്തെത്തി ഡിറ്റനേറ്ററുകള്‍ കസ്റ്റഡിയിലെടുത്തു. കൂടുതല്‍ സ്‌ഫോടകവസ്തുക്കള്‍ക്കായി പ്രദേശത്ത് തിരച്ചില്‍ നടത്തുകയും ചെയ്തു.