ഐപിഎല്‍ എലിമിനേറ്റര്‍ പോരാട്ടത്തില്‍ മുംബൈ ഇന്ത്യന്‍സിന് വിജയം. ഗുജറാത്ത് ടൈറ്റന്‍സിനെതിരായ മത്സരത്തില്‍ 20 റണ്‍സിനാണ് മുംബൈയുടെ വിജയം. 

ടോസ് നേടി ബാറ്റിങ്ങിനിറങ്ങിയ മുംബൈ 20 ഓവറില്‍ 228 റണ്‍സാണ് നേടിയത്. 50 പന്തില്‍ 9 ഫോറും 4സിക്‌സും ഉള്‍പ്പെടെ 81 റണ്‍സ് നേടിയ രോഹിത് ശര്‍മയാണ് മുംബൈയുടെ ടോപ് സ്‌കോറര്‍. ജോണി ബെയര്‍സ്‌റ്റോ 47, സൂര്യകുമാര്‍ യാദവ് 33 എന്നിവരും മുംബൈക്കായി തിളങ്ങി. ഗുജറാത്തിനായി സായ് കിഷോര്‍, പ്രസിദ് കൃഷ്ണ എന്നിവര്‍ രണ്ട് വിക്കറ്റ് വീതം നേടിയപ്പോള്‍, മുഹമ്മദ് സിറാജ് ഒരു വിക്കറ്റ് നേടി. 

മറുപടി ബാറ്റിങ്ങില്‍ ഗുജറാത്തിന്റെ തുടക്കം തന്നെ പാളി മൂന്ന് റണ്‍സില്‍ നില്‍ക്കെ ക്യാപ്റ്റന്‍ ശുഭ്മാന്‍ ഗില്‍ പുറത്ത്. പിന്നീട് മികച്ച രീതിയില്‍ മുന്നോട്ടു പോകവെ കുശാല്‍ മെന്‍ഡിസ് ഹിറ്റ് വിക്കറ്റായതും ഗുജറാത്തിന് തിരിച്ചടിയായി. 49 പന്തില്‍ 10 ഫോറഉം ഒരു സിക്‌സും ഉള്‍പ്പെടെ 80 റണ്‍സ് നേടിയ സായ് സുദര്‍ശനും, 24 പന്തില്‍ 5 ഫോറും 3 സിക്‌സും ഉള്‍പ്പെടെ 48 റണ്‍സ് നേടിയ വാഷിങ്ടണ്‍ സുന്ദറുമാണ് ഗുജറാത്തിന്റെ തോല്‍വി ഭാരം കുറച്ചത്. മുംബൈക്കായി ട്രെന്റ് ബോള്‍ട്ട് 2 വിക്കറ്റ് നേടിയപ്പോള്‍, റിച്ചാര്‍ഡ് ഗ്ലീസണ്‍, ജസ്പ്രിത് ബുംമ്ര, അശ്വിനി കുമാര്‍, മിച്ചല്‍ സാന്റ്‌നര്‍ എന്നിവര്‍ ഓരോ വിക്കറ്റ് വീതം നേടി. 

ഞായറാഴ്ച നടക്കുന്ന രണ്ടാം ക്വാളിഫയറില്‍ പഞ്ചാബുമായാണ് മുംബൈ ഏറ്റുമുട്ടുക. ഈ മത്സരത്തിലെ വിജയികള്‍ ഫൈനലിലേക്ക് യോഗ്യത നേടും.

Mumbai Indians secured a thrilling 20-run victory against Gujarat Titans in the high-stakes IPL Eliminator match. The win keeps Mumbai's playoff hopes alive as they advance in the tournament. Hardik Pandya's Titans fell short despite a strong chase in this crucial knockout game at Narendra Modi Stadium.