ദുബൈ: ഗതാഗതക്കുരുക്ക് ലഘൂകരിക്കുന്നതിനും താമസക്കാരുടെ യാത്രാസൗകര്യം മെച്ചപ്പെടുത്തുന്നതിനുമുള്ള ശ്രമങ്ങളുടെ ഭാഗമായി ദുബൈ റോഡ് ശൃംഖലയിലെ നവീകരണം പുരോഗമിക്കുന്നു. 

ദുബൈ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയും ദുബൈ എക്‌സിക്യൂട്ടീവ് കൗണ്‍സില്‍ ചെയര്‍മാനുമായ ഷെയ്ഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂമിന്റെ മേല്‍നോട്ടത്തില്‍, 2027 ഓടെ പൂര്‍ത്തീകരിക്കുന്ന 57 റോഡുകളുടെ നവീകരണം റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍ടിഎ) ആരംഭിച്ചു.

2040 ആകുമ്പോഴേക്കും ദുബൈയിലെ ജനസംഖ്യ 8 ദശലക്ഷത്തിലെത്തുമെന്നാണ് പ്രതീക്ഷിക്കുന്നത്. വര്‍ധിച്ചു വരുന്ന ജനസംഖ്യയെ പിന്തുണയ്ക്കുന്നതിന് നഗരത്തെ സജ്ജമാക്കുകയെന്ന ലക്ഷ്യത്തോടെയുള്ള വികസനപദ്ധതിയില്‍ 226 കിലോമീറ്റര്‍ പുതിയ റോഡുകളും 115 പാലങ്ങളും തുരങ്കങ്ങളും ഉള്‍പ്പെടുന്നു.

ദുബൈയിലെ ഏറ്റവും തിരക്കേറിയ ഗതാഗത ഇടനാഴികള്‍ ലക്ഷ്യം വെച്ച് നടക്കുന്ന നവീകരണത്തിലൂടെ 75 ശതമാനത്തില്‍ കൂടുതല്‍ യാത്രാസമയം കുറയ്ക്കാനാകുമെന്നാണ് കരുതുന്നത്.

ALSO READ: ഷെയ്ഖ് മുഹമ്മദ് ബിൻ സായിദ് റോഡിൽ ഗതാഗതക്കുരുക്ക് ; അബൂദബിയിലേക്ക് പോകുന്നവർ ബദൽ റൂട്ടുകൾ ഉപയോ​ഗപ്പെടുത്തണമെന്ന് ദുബൈ പൊലിസ്

2040 ആകുമ്പോഴേക്കും ദുബൈയിലെ ജനസംഖ്യ 8 ദശലക്ഷമാക്കി ഉയര്‍ത്തുന്നതിന് നഗരത്തെ സജ്ജമാക്കുന്നതിലും ഗതാഗതം മെച്ചപ്പെടുത്തുന്നതിലും ശ്രദ്ധ കേന്ദ്രീകരിച്ചുള്ള തന്ത്രപരമായ റോഡ് അടിസ്ഥാന സൗകര്യ പദ്ധതികളുടെ പുരോഗതി ഷെയ്ഖ് ഹംദാന്‍ അടുത്തിടെ അവലോകനം ചെയ്തിരുന്നു. 
എമിറേറ്റിലെ പ്രധാന മേഖലകളിലുടനീളമുള്ള കണക്റ്റിവിറ്റി വര്‍ധിപ്പിക്കുന്നതിനും തിരക്ക് കുറയ്ക്കുന്നതിനുമായി രൂപകല്‍പ്പന ചെയ്തിരിക്കുന്ന 11 പ്രാഥമിക റോഡ് ഇടനാഴികള്‍ നവീകരിക്കുന്നതിനുള്ള സംയോജിത മാസ്റ്റര്‍ പ്ലാനിന്റെ ഭാഗമാണ് ഈ വികസനങ്ങള്‍.

ഉമ്മു സുഖീംഅല്‍ ഖുദ്ര ഇടനാഴി

പ്രധാന പദ്ധതികളിലൊന്നായ 16 കിലോമീറ്റര്‍ ദൈര്‍ഘ്യമുള്ള ഉമ്മു സുഖീം-അല്‍ ഖുദ്ര ഇടനാഴിയുടെ നവീകരണത്തില്‍ 7,000 മീറ്റര്‍ പാലങ്ങളും തുരങ്കങ്ങളും ഉള്‍പ്പെടുന്നു. ഇത് യാത്രാ സമയം 46 മിനിറ്റില്‍ നിന്ന് 11 മിനിറ്റായി കുറയ്ക്കുമെന്നാണ് പ്രതീക്ഷിക്കുന്നത്. ഈ പദ്ധതി 1 ദശലക്ഷത്തിലധികം താമസക്കാര്‍ക്ക് പ്രയോജനകരമാകും. 

ഹെസ്സ സ്ട്രീറ്റ് നവീകരണം

ഹെസ്സ സ്ട്രീറ്റ് വികസനത്തില്‍ നാല് കവലകളിലായി 9,000 മീറ്റര്‍ പാലങ്ങളുണ്ട്.പദ്ധതി പൂര്‍ത്തിയാകുമ്പോള്‍ റോഡ് ശേഷി മണിക്കൂറില്‍ 4,000 ല്‍ നിന്ന് 8,000 വാഹനങ്ങളായി ഇരട്ടിയാക്കപ്പെടുമെന്നാണ് കരുതുന്നത്. നവീകരണ പ്രവൃത്തികള്‍ പൂര്‍ത്തിയാകുന്നതോടെ യാത്രാ സമയം 30 മിനിറ്റില്‍ നിന്ന് 7 മിനിറ്റായി കുറയും. 

ALSO READ: യുഎഇ പ്രവാസികൾ കൂട്ടത്തോടെ നാട്ടിലേക്ക്, ടിക്കറ്റിന് വൻ ഡിമാൻ്റ്; കുറഞ്ഞ നിരക്കിൽ ടിക്കറ്റ് കിട്ടാനുള്ള ടിപ്സ് വെളിപ്പെടുത്തി ഏജൻ്റുമാർ

ഷെയ്ഖ് സായിദ് റോഡിലെ ഗതാഗതക്കുരുക്കിന് ഉടന്‍ പരിഹാരമാകും.

2025 ജനുവരി മുതല്‍ ഏപ്രില്‍ വരെയുള്ള കാലയളവില്‍, ദുബൈ ഷെയ്ഖ് സായിദ് റോഡില്‍ ഏഴ് ക്വിക്ക്-വിന്‍ ട്രാഫിക് സംരംഭങ്ങള്‍ നടപ്പിലാക്കിയിരുന്നു. ഇത് ഗതാഗതക്കുരുക്ക് 5 മുതല്‍ 10 ശതമാനം വരെ കുറയ്ക്കാന്‍ സഹായിച്ചിരുന്നു.

Dubai is undergoing a major renovation of 57 roads to tackle traffic congestion and enhance urban mobility. The project aims to significantly reduce travel time across key routes, supporting the city's vision for smarter, faster, and more efficient transportation infrastructure.