ദുബൈ: വിമാനക്കമ്പനികള്‍ ടിക്കറ്റ് നിരക്കുകള്‍ കുത്തനെ കൂട്ടിയതോടെ പ്രവാസികള്‍ വെട്ടിലായിരിക്കുകയാണ്. വേനലവധിക്കാലം നാട്ടില്‍ ചിലവഴിക്കാമെന്ന പ്രവാസികളുടെ മോഹങ്ങള്‍ക്കാണ് ഇതോടെ തിരിച്ചടിയേറ്റിരിക്കുന്നത്. 

അല്‍ മുറാബാത്തില്‍ താമസിക്കുന്ന ഫിലിപ്പീന്‍സ് സ്വദേശിയായ മരിയ ഈ അവധിക്കാലത്ത് ഫിലിപ്പീന്‍സിലെ തന്റെ കുടുംബത്തിനൊപ്പം ചിലവഴിക്കാമെന്ന് കണക്കുകൂട്ടിയിരുന്നു. എന്നാല്‍ ടിക്കറ്റു നിരക്ക് കുത്തനെ കൂടിയതോടെ നാട്ടിലേക്കുള്ള യാത്ര റദ്ദാക്കുന്നതിനെക്കുറിച്ചുള്ള ചിന്തയിലാണ് ഇവര്‍.

'എനിക്കും എന്റെ ഭര്‍ത്താവിനും എന്റെ രണ്ട് കുട്ടികള്‍ക്കുമായി വിമാന ടിക്കറ്റിന് 16,000 ദിര്‍ഹത്തില്‍ കൂടുതല്‍ ചിലവ് വരും,' ബിസിനസ് ബേയില്‍ പേഴ്സണല്‍ അസിസ്റ്റന്റായി ജോലി ചെയ്യുന്ന മരിയ പറഞ്ഞു. 

'പിന്നെ ബാഗേജ് ചെലവുകള്‍, ബന്ധുക്കള്‍ക്കുള്ള സമ്മാനങ്ങള്‍, ഷോപ്പിംഗ്, ആഭ്യന്തര യാത്ര എന്നിവ കൂടി കണക്കാക്കിയാല്‍ അത് എന്റെ ബഡ്ജറ്റിനും അപ്പുറമാകും' മരിയ കൂട്ടിച്ചേര്‍ത്തു.

ALSO READ: ഷെയ്ഖ് മുഹമ്മദ് ബിൻ സായിദ് റോഡിൽ ഗതാഗതക്കുരുക്ക് ; അബൂദബിയിലേക്ക് പോകുന്നവർ ബദൽ റൂട്ടുകൾ ഉപയോ​ഗപ്പെടുത്തണമെന്ന് ദുബൈ പൊലിസ്

എല്ലാ വേനല്‍ക്കാലത്തും ഭര്‍ത്താവിനും രണ്ട് കുട്ടികള്‍ക്കുമൊപ്പം മരിയ നാട്ടിലേക്ക് പോകാറുണ്ട്. ഈ വര്‍ഷം നാട്ടിലേക്ക് പോകുകയാണെങ്കി ഏകദേശം 30,000 ദിര്‍ഹമെങ്കിലും വേണ്ടി വരുമെന്നാണ് മരിയ പറയുന്നത്. അതിനാല്‍ തന്നെ താങ്ങാനാകാത്ത ഹൃദയ ഭാരത്തോടെ മരിയ തന്റെ യാത്ര മാറ്റിവയ്ക്കാന്‍ തീരുമാനിച്ചിരിക്കുകയാണ്. ഇത്തരത്തില്‍ ഉറ്റവരെ കാണാനായി യാത്ര ചെയ്യാന്‍ തീരുമാനിച്ചിരുന്ന പലര്‍ക്കും തങ്ങളുടെ യാത്ര മാറ്റിവയ്‌ക്കേണ്ടി വന്നതായാണ് റിപ്പോര്‍ട്ടുകല്‍.

അല്‍ നഹ്ദയില്‍ താമസിക്കുന്ന, ഒരു ലോജിസ്റ്റിക്‌സ് സ്ഥാപനത്തില്‍ ജോലി ചെയ്യുന്ന മലയാളി പ്രവാസിയായ പ്രകാശ് ഭാര്യയോടും രണ്ട് കുട്ടികളോടും പ്രായമായ മാതാപിതാക്കളോടുമൊപ്പം കൊച്ചിയിലേക്ക് നാല് ആഴ്ചത്തെ യാത്രയാണ് ആദ്യം പ്ലാന്‍ ചെയ്തിരുന്നത്. എന്നാല്‍ ചെലവുകള്‍ കണക്കാക്കിയപ്പോള്‍ ഇതിനായി തന്റെ മൂന്നു മാസത്തെ ശമ്പളം വേണ്ടിവരുമെന്ന് പ്രകാശിന് മനസ്സിലായി.

'ഞങ്ങള്‍ക്കെല്ലാവര്‍ക്കുമായുള്ള വിമാന ടിക്കറ്റ് നിരക്ക് ഏകദേശം 13,500 ദിര്‍ഹമാണ്. പിന്നെ കുടുംബാംഗങ്ങള്‍ക്കുള്ള സമ്മാനങ്ങള്‍, വീട്ടിലേക്ക് പോകുമ്പോള്‍ അത് അത്യാവശ്യമാണ്. ഷോപ്പിംഗ്, നാട്ടിലെ യാത്രകള്‍, കുറച്ച് ചടങ്ങുകള്‍ എന്നിവയുമുണ്ട്,' അദ്ദേഹം പറഞ്ഞു.

ALSO READ: യുഎഇ പ്രവാസികൾ കൂട്ടത്തോടെ നാട്ടിലേക്ക്, ടിക്കറ്റിന് വൻ ഡിമാൻ്റ്; കുറഞ്ഞ നിരക്കിൽ ടിക്കറ്റ് കിട്ടാനുള്ള ടിപ്സ് വെളിപ്പെടുത്തി ഏജൻ്റുമാർ

'എന്റെ കണക്കുകൂട്ടലില്‍ അതെല്ലാം കൂട്ടുമ്പോള്‍ 40,000 ദിര്‍ഹത്തിന് മുകളിലാകും ചിലവ്. ഞങ്ങളുടെ നാട്ടില്‍ താമസിക്കുന്നത് പോലും ഇപ്പോള്‍ ചിലവുള്ള കാര്യമാണ്,' അദ്ദേഹം പറഞ്ഞു.

ഇത്തരത്തില്‍ വര്‍ധിക്കുന്ന ചിലവോര്‍ത്ത് യുഎഇയില്‍ തന്നെ അവധിക്കാലം തള്ളിനീക്കുന്ന പ്രവാസികളുടെ എണ്ണം വര്‍ധിച്ചുവരികയാണ്. എന്നാല്‍ സീസണ്‍ സമയം കഴിഞ്ഞാല്‍ ടിക്കറ്റു നിരക്ക് കുറയുമെന്നതിനാല്‍ അതിനായി കാത്തിരിക്കുന്ന പ്രവാസി കുടുംബങ്ങളും കുറവല്ല. 

Rising travel costs are shattering the summer vacation plans of many expatriates in the Gulf, with some saying they need up to three months’ salary just to fly home. Financial strain and inflation are making family reunions increasingly out of reach this season.