കുവൈത്ത്: ആരോഗ്യ സേവനങ്ങൾ മെച്ചപ്പെടുത്തുന്നതിനും ഗുരുതരമായി പൊള്ളലേറ്റ കേസുകളിൽ കൂടുതൽ ഫലപ്രദമായി ചികിത്സ ലഭ്യമാക്കാനുമായി, രാജ്യത്തെ ആദ്യത്തെ സ്കിൻ ബാങ്കും മൈക്രോസ്കോപ്പിക് സർജറി ലബോറട്ടറിയും തുറക്കാൻ കുവൈത്ത് ആരോഗ്യ മന്ത്രാലയം തീരുമാനിച്ചു.

പ്ലാസ്റ്റിക് സർജറി ആൻഡ് കോസ്‌മെറ്റിക് മെഡിസിൻ സംബന്ധിച്ച രണ്ടാം മൾട്ടി ഡിസിപ്ലിനറി കുവൈത്ത് കോൺഫറൻസിൽ ആരോഗ്യമന്ത്രി ഡോ. അഹമ്മദ് അൽ അവാദിയെ പ്രതിനിധീകരിച്ച് സപ്പോർട്ടീവ് മെഡിക്കൽ സർവിസസ് അസിസ്റ്റന്റ് അണ്ടർസെക്രട്ടറി ഡോ. അബ്ദുല്ല അൽ ഫാർസാണ് ഇക്കാര്യം അറിയിച്ചത്.

ബേൺ, പ്ലാസ്റ്റിക് സർജറി എന്നിവയ്ക്കുള്ള കുവൈത്തിലെ ഏക പ്രത്യേക കേന്ദ്രമായ അൽ ബാബ്തൈൻ ബേൺസ് ആൻഡ് പ്ലാസ്റ്റിക് സർജറി സെന്ററിന്റെ മേൽനോട്ടത്തിലാണ് പുതിയ സൗകര്യങ്ങൾ നിർമ്മിക്കുന്നത്. 2023-ൽ, ഈ കേന്ദ്രം 20,000-ത്തിലധികം രോഗികളെ ചികിത്സിക്കുകയും 1,200 ശസ്ത്രക്രിയകൾ നടത്തുകയും ചെയ്തിരുന്നു.

അൽ ബാബ്‌റ്റെയ്‌നിലെ സർജനായ ഡോ. അഹമ്മദ് അൽ അലി പറയുന്നതനുസരിച്ച്, അടിയന്തര പൊള്ളൽ ശസ്ത്രക്രിയകൾക്കായി, മരിച്ച വ്യക്തികളിൽ നിന്ന് ദാനം ചെയ്ത ചർമ്മം സ്കിൻ ബാങ്ക് സംഭരിക്കും. പുതിയ സൗകര്യം ജീവൻ രക്ഷിക്കാനും ഗുരുതരമായ കേസുകളിൽ ചികിത്സാ മെച്ചപ്പെടുത്താനും സഹായിക്കുമെന്നും അദ്ദേഹം കൂട്ടിച്ചേർത്തു.

Kuwait's Ministry of Health announces groundbreaking plans to open the country's first skin bank and microscopic surgery laboratory, aiming to revolutionize treatment for severe burn victims. These advanced facilities will significantly improve patient outcomes and position Kuwait as a regional leader in specialized medical care.