ഡൽഹി: രാജ്യത്ത് കോവിഡ് 19 കേസുകൾ വീണ്ടും ഉയരുന്നു. വിവിധ സംസ്ഥാനങ്ങളിൽ 3395 ആളുകൾക്കാണ് കോവിഡ് സ്ഥിരീകരിച്ചത്. സംസ്ഥാനങ്ങളിലെ സാഹചര്യങ്ങൾ അടിസ്ഥാന സൗകര്യങ്ങൾ എന്നിവ വിലയിരുത്തി റിപ്പോർട്ട് സമർപ്പിക്കാൻ സംസ്ഥാനങ്ങളോട് കേന്ദ്രം ആവശ്യപ്പെട്ടു. കഴിഞ്ഞ 24 മണിക്കൂറിനുള്ളിൽ എട്ട് മരണം കൂടിയാണ് റിപ്പോർട്ട് ചെയ്തത്. 

റിപ്പോർട്ട് ചെയ്തതിൽ ഏറ്റവും കൂടുതൽ കേസുകൾ കേരളത്തിലാണ് ഉള്ളത്. 1336 കോവിഡ് കേസുകൾ ആണ് കേരളത്തിൽ ഇതുവരെ രജിസ്റ്റർ ചെയ്തത്. കേരളത്തിന് പുറകിൽ മഹാരാഷ്ട്രയും ഡൽഹിയും ആണ് ഉള്ളത്. രോഗികളുടെ എണ്ണം വർധിക്കുന്ന സാഹചര്യത്തിൽ സംസ്ഥാനങ്ങളോട് കേന്ദ്ര ആരോഗ്യമന്ത്രാലയം റിപ്പോർട്ട് തേടിയിട്ടുണ്ട്.

ജൂൺ രണ്ടിനുള്ളിൽ റിപ്പോർട്ട് സമർപ്പിക്കുവാനാണ്  കേന്ദ്ര ആരോഗ്യമന്ത്രാലത്തിന്റെ നിർദേശം. അടിസ്ഥാന സൗകര്യങ്ങൾ ഉറപ്പാക്കാനായി സംസ്ഥാനങ്ങൾ മോക്ക് ഡ്രില്ലുകൾ നടത്തണമെന്നും കേന്ദ്രം ആവശ്യപ്പെട്ടിട്ടുണ്ട്. പൊതുജനങ്ങൾ ജാഗ്രത പുലർത്തണമെന്നും ആരോഗ്യമന്ത്രാലയം അറിയിച്ചു.  

Covid cases are rising in the country Union Health Ministry has issued instructions to the states