നിലമ്പൂര്‍: പിവി അന്‍വറിനെ കടന്നാക്രമിച്ച് മുഖ്യമന്ത്രി പിണറായി വിജയന്‍. പ്രത്യേക വികാരത്തോടെയാണ് സ്വരാജിന്റെ സ്ഥാനാര്‍ഥിത്വത്തെ ആളുകള്‍ സ്വീകരിച്ചതെന്നും പിണറായി വിജയന്‍ പറഞ്ഞു. 

കറകളഞ്ഞ വ്യക്തിത്വമാണ് സ്വരാജിന്റേതെന്നും അതിന്റെ ഭാഗമാണ് വലിയ ജനപങ്കാളിത്തമുള്ള ഈ തിരഞ്ഞെടുപ്പ് കണ്‍വെന്‍ഷനെന്നും മുഖ്യമന്ത്രി പറഞ്ഞു.

നിലമ്പൂരിൽ മത്സരിക്കാൻ പി.വി അൻവറും; തൃണമൂൽ കോൺഗ്രസ് സ്ഥാനാർഥിയായി നാളെ നാമമനിർദേശ പത്രിക സമർപ്പിക്കും

അന്‍വര്‍ ചതിച്ചതാണെന്നും ഉപതിരഞ്ഞെടുപ്പിനു കാരണമെന്നും നിയമസഭാ പ്രവര്‍ത്തനിത്തിടെ കൊല്ലപ്പെട്ട സഖാവ് കുഞ്ഞാലിയെ കേരളം വേദനയോടെയാണ് ഓര്‍ക്കുന്നതെന്നും അദ്ദേഹം പറഞ്ഞു. 

സ്വതന്ത്ര്യ സമരത്തില്‍ വലിയ പങ്കു വഹിച്ച മണ്ണാണ് നിലമ്പൂരിന്റേത്. അഭിമാനത്തോടെ വോട്ട് ചോദിക്കാന്‍ സ്വരാജിനാകും. നമ്മള്‍ ഒരു ചതിക്ക് ഇരയായതിനാലാണ് ഇത്തരത്തിലൊരു തിരഞ്ഞെടുപ്പിനെ നേരിടുന്നത്. ഏതെങ്കിലും തരത്തില്‍ ആശങ്കപ്പെടുന്ന ഒരു മുന്നണിയല്ല എല്‍ഡിഎഫെന്നും തികഞ്ഞ ആത്മവിശ്വാസത്തോടെയാണ് എല്‍ഡിഎഫ് തിരഞ്ഞെടുപ്പിനെ നേരിടുന്നതെന്നും മുഖ്യമന്ത്രി പറഞ്ഞു.

ഈ മണ്ണിന് ഈ മണ്ണിന്റേതായ നിരവധി പ്രത്യേകതകള്‍ ഉണ്ട്. വാരിയന്‍ കുന്നത്ത് കുഞ്ഞഹമ്മദ് ഹാജിയെ ചതിയിലൂടെയാണ് പിടികൂടിയതും കൊലപ്പെടുത്തിയതും. ചതിയിലൂടെയാണ് അദ്ദേഹത്തെ പിടികൂടിയത്. വാരിയന്‍ കുന്നത്തിനെ പിടിക്കാന്‍ ചതിപ്രയോഗം നടത്തിയ വ്യക്തിയുടെ നാടു കൂടിയാണിത്. നമ്മളും അത്തരത്തില്‍ ഒരു ചതിക്കിരയായതിനാലാണ് ഈ തിരഞ്ഞെടുപ്പിനെ നേരിടേണ്ടിവന്നത്.

കാണരുതായിരുന്നുവെന്ന് പ്രതിപക്ഷ നേതാവ്, വ്യക്തിപരമെന്ന് കെ.പി.സി.സി അധ്യക്ഷന്‍, തെറ്റില്ലെന്ന് മുരളീധരന്‍; രാഹുല്‍ - അന്‍വര്‍ കൂടിക്കാഴ്ചയില്‍ കോണ്‍ഗ്രസില്‍ ഭിന്നാഭിപ്രായം 

അഭിമാനത്തോടെ വോട്ട് ചോദിക്കാന്‍ സ്വരാജിന് കഴിയുമെന്നും കറകളഞ്ഞ വ്യക്തിയാണ് സ്വരാജെന്നും മുഖ്യമന്ത്രി പറഞ്ഞു. 

Chief Minister praises Swaraj for his clean image and integrity, stating he can confidently seek public support in the upcoming by election.