ദുബൈ: ബലി പെരുന്നാളിനോടനുബന്ധിച്ചു പ്രവാസികൾ കൂട്ടത്തോടെ നാട്ടിലേക്ക് വരാൻ തീരുമാനിച്ചതോടെ വിമാന ടിക്കറ്റിന് ഡിമാൻ്റ് കൂടിയിരിക്കുകയാണ്. നാട്ടിൽ പെരുന്നാൾ ആഘോഷിക്കാൻ പോകുന്നത് പോലെ നാട്ടിലെ കുടുംബം യുഎഇയിലെ പ്രവാസികൾക്ക് ഒപ്പം ആഘോഷത്തിൽ പങ്ക് ചേരുന്നവരും ഉണ്ട്. പെരുന്നാൾ അവധിക്കാലത്ത് മൊത്തം ടിക്കറ്റിനേക്കാൾ ഡിമാൻഡ് കൂടുതലായതിനാൽ ഗൾഫ് നഗരങ്ങളിലേക്കുള്ള വിമാന നിരക്കുകൾ 60 ശതമാനം വരെ വർദ്ധിച്ചതായി പ്ലൂട്ടോ ട്രാവൽസിന്റെ മാനേജിംഗ് പാർട്ണറായ ഭരത് ഐദാസാനി പറഞ്ഞു. ഗൾഫ് നാടുകളിലേക്ക് വിമാന നിരക്കുകൾ 20 മുതൽ 30 ശതമാനം വരെ വർദ്ധിച്ചു. പീക്ക്-ഡേ യാത്രാ ചെലവുകൾ 40 മുതൽ 60 ശതമാനം വരെയും കൂടി. സീസൺ പ്രമാണിച്ച് വിമാനക്കമ്പനികളും ഈദിന് തയ്യാറെടുത്തിട്ടുണ്ട്. അധിക സർവീസുകൾ ആരംഭിക്കുകയും ഡിമാൻഡ് വർദ്ധിക്കുന്നിടത്തെല്ലാം പുതിയ റൂട്ടുകൾ തുറക്കുകയും ചെയ്യുന്നു- ഐദാസാനി പറഞ്ഞു. 

ഇന്ത്യൻ നഗരങ്ങൾ എന്നത് പോലെ ഈജിപ്ത്, സിറിയ, ലെബനൻ, പാക് നഗരങ്ങളിലേക്കും ഉയർന്ന ഡിമാൻ്റ് തന്നെ. ഹജ്ജ്, ഉംറ തീർത്ഥാടനങ്ങൾ കാരണം സൗദി അറേബ്യയിലും തിരക്ക് വർദ്ധിക്കുന്നു.

സീസൺ സമയത്ത് നിരക്ക് കുറയാനുള്ള ഏറ്റവും നല്ല വഴിയായി എല്ലാവരും പറയുന്നത് ഒറ്റ കാര്യമാണ്, നേരത്തേ ബുക്ക് ചെയ്യൽ തന്നെ. ഈദ് ബുക്കിംഗുകളിൽ ഏറ്റവും കൂടുതൽ വർധനവുള്ള അറബ് ലക്ഷ്യസ്ഥാനങ്ങളിൽ ഈജിപ്തും മൊറോക്കോയുമാണെന്ന് അൽ സഫ്രോൺ ട്രാവൽ ആൻഡ് ടൂറിസത്തിലെ പ്രവീൺ ചൗധരി പറഞ്ഞു. അവധിക്കാലത്ത് ഈജിപ്ത് വിസ അപേക്ഷകളിൽ വലിയൊരു പ്രവാഹം ഞങ്ങൾ കാണുന്നു- ചൗധരി പറഞ്ഞു. കുത്തനെയുള്ള വിലക്കയറ്റം ഒഴിവാക്കാൻ നേരത്തെയുള്ള ബുക്കിങ് നല്ലതാണെന്ന് അദ്ദേഹം നിർദേശിച്ചു. 40 മുതൽ 45 ദിവസം വരെ മുൻകൂട്ടി ബുക്ക് ചെയ്താൽ ഇപ്പോഴുള്ളതിന്റെ പകുതിയോളം നിരക്ക് മാത്രമെ വരൂ. ഉദാഹരണത്തിന് 500 ദിർഹമിന് വിലയുള്ള ടിക്കറ്റ് ഇപ്പോൾ 1,000 ദിർഹത്തിൽ അധികം വന്നേക്കാം - അദ്ദേഹം അറിയിച്ചു.

 അവസാന നിമിഷം ടിക്കറ്റുകൾ ബുക്ക് ചെയ്യുന്ന യാത്രക്കാർക്ക് പലപ്പോഴും ഉയർന്ന നിരക്കുകൾ നേരിടേണ്ടിവരുമെന്ന് ഗോൾഡൻ ഈഗിൾ ട്രാവൽ & ടൂറിസത്തിലെ സെയിൽസ് മാനേജർ സൈൻ അൽ അബ്ദിൻ അഭിപ്രായപ്പെട്ടു. ആളുകൾ ബുക്ക് ചെയ്യുന്ന ടിക്കറ്റുകളിൽ ഏകദേശം 90 ശതമാനവും റീഫണ്ട് ചെയ്യാത്തവയാണ്. ചില കുടുംബങ്ങൾ ചെറുതും ചെലവേറിയതുമായ ഈദ് യാത്രകൾക്ക് പകരം കൂടുതൽ ദീർഘിപ്പിച്ച ഈദ് അവധിക്കാല യാത്രകൾ തെരഞ്ഞെടുക്കുന്നു. മൂന്ന് ദിവസത്തെ ഈദ് യാത്രയ്ക്ക് ഇപ്പോൾ ഒരാൾക്ക് 4,000 ദിർഹം ചിലവാകും. ചിലർ പരീക്ഷകൾ കഴിയുന്നതുവരെ കാത്തിരിക്കാനും പകരം ഒരു മുഴുവൻ വേനൽക്കാല യാത്രയ്ക്ക് 7,000 ദിർഹം ചെലവഴിക്കാനും ഇഷ്ടപ്പെടുന്നു. ഇത് സീസൺ സമയത്ത് അപ് ആൻഡ് ഡൗൺ യാത്ര ചെയ്ത് വലിയ ഭാരം ഉണ്ടാകാതെ സഹായിക്കുന്നു - അദ്ദേഹം പറഞ്ഞു.

UAE flights Ticket prices up by 60% on peak travel day amid Eid Al Adha season