ദുബൈ: സിംഗപ്പൂരില്‍നിന്ന് അബൂദബിയിലേക്ക് പുറപ്പെട്ട വിമാനത്തില്‍ ബോംബ് ഭീഷണി ഉയര്‍ത്തിയ 22 കാരന് എതിരെ കര്‍ശന നടപടി. ഈ വര്‍ഷം ഫെബ്രുവരി 14നാണ് സംഭവം നടന്നത്. വിമാനത്തില്‍ കയറിയ ശേഷം യുവാവ് സാമൂഹ്യമാധ്യമത്തില്‍ 'വിമാനം ഇപ്പോള്‍ പൊട്ടിത്തെറിക്കും' എന്ന് കുറിക്കുകയായിരുന്നു.

ALSO READ: യുഎഇയിലെ പ്രവാസിയാണോ? പുതിയ മാധ്യമനിയമം അറിഞ്ഞിരിക്കണം, രണ്ട് മില്യണ്‍ ദിര്‍ഹം വരെ പിഴയുള്ള ശിക്ഷകള്‍ | UAE new media law explained

പോസ്റ്റ് വൈറലായതോടെ അധികൃതര്‍  വേഗത്തില്‍ യാത്രക്കാരനെ തിരിച്ചറിയുകയും ഇയാള്‍ വിമാനത്തിനുള്ളില്‍ ഇരുന്നുകൊണ്ടാണ് ഈ പോസ്റ്റ് പങ്കുവച്ചതെന്നും അധികൃതര്‍ ഉറപ്പുവരുത്തുകയുമായിരുന്നു. അതിനിടെ വിമാനത്തെ റണ്‍വേയില്‍ നിന്നും സിംഗപ്പൂര്‍ ചാങ്ഗി വിമാനത്താവളത്തിലെ ടെര്‍മിനല്‍ 2ലേക്ക് തിരിച്ചുവിളിച്ച് സുരക്ഷാ പരിശോധന നടത്തുകയും യുവാവിനെ അറസ്റ്റ് ചെയ്യുകയുമായിരുന്നു.

ALSO READ: അന്താരാഷ്ട്ര ആണവോര്‍ജ ഏജന്‍സി സുതാര്യതാ റേറ്റിങ്; പട്ടികയില്‍ തുടര്‍ച്ചയായ മൂന്നാം വര്‍ഷവും യു.എ.ഇ

വിമാനത്തില്‍ ബോംബോ അതിന് സാമ്യമുള്ള വസ്തുക്കളോ കണ്ടെത്തിയില്ലെന്നും, ഭീഷണി
മുഴക്കിയതിനാണ് പരമാവധി ശിക്ഷ വിധിച്ചതെന്നും സിംഗപ്പൂര്‍ പൊലിസ് അറിയിച്ചു. ഇയാള്‍ക്കെതിരെ ഏഴ് വര്‍ഷം തടവും 1,83,500 ദിര്‍ഹം (ഏകദേശം 67 ലക്ഷം ഇന്ത്യന്‍ രൂപ) പിഴയും കോടതി വിധിച്ചു. ഏത് വിമാനമാണ് യുവാവ് ലക്ഷ്യമിട്ടിരുന്നതെന്ന് അധികൃതര്‍ വ്യക്തമാക്കിയിട്ടില്ല.

A 22-year-old passenger was sentenced to 7 years in prison and fined ₹67 lakh for making a false bomb threat on a Singapore–Abu Dhabi flight via social media. The incident occurred on February 14, prompting the flight's return and immediate arrest.