ലോററ്റോ, പെറു: വിഷാദരോഗത്തിന് ശാന്തി തേടി യുഎസിൽ നിന്നെത്തിയ 41 കാരനായ ആരോൺ വെയ്ൻ കാസ്ട്രനോവ ആമസോണിന്റെ ഹൃദയഭാഗത്ത് ദാരുണാന്ത്യം ഏറ്റുവാങ്ങി. പെറുവിലെ ലോറെറ്റോയിലെ ആത്മീയ ടൂറിസം കേന്ദ്രത്തിൽ നടന്ന തദ്ദേശീയ ചടങ്ങിനിടെ ആയിരുന്നു കാസ്ട്രനോവയുടെ മരണം. പരിപാടിക്കിടെ കടുത്ത ലഹരിയുണ്ടാക്കുന്ന 'അയവാസ്ക' എന്ന മദ്യമാണ് അദ്ദേഹം കുടിച്ചത്. തുടര്‍ന്ന്, ആന്തരികാവയവങ്ങൾ തകരാറിലായി മരണത്തിന് കീഴടങ്ങുകയായിരുന്നു.

തദ്ദേശീയ ആമസോൺ വിഭാഗങ്ങൾ ആരാധനാചടങ്ങുകളിലുപയോഗിച്ചിരുന്ന അയവാസ്ക പിന്നീട് മനശ്ശാസ്ത്രപരമായ പ്രശ്നങ്ങൾക്ക് പരിഹാരമെന്ന നിലയിൽ വിദേശ സഞ്ചാരികൾക്കിടയിൽ പ്രശസ്തമായിരുന്നു. ഈ പശ്ചാത്തലത്തിലാണ് കാസ്ട്രനോവയും ബ്രസീൽ-പെറു അതിർത്തിയിലെ സാന്താ മരിയ ഡി ഒജെഡ കമ്മ്യൂണിറ്റിയിലെ ഒരു ഹോസ്റ്റലിൽ എത്തിയതും അയവാസ്കയുടെ ഭാഗമാകുന്നതുമെന്നാണ് റിപ്പോർട്ടുകൾ.

ഹോസ്റ്റലിലെ ജീവനക്കാർ പറയുന്നതു പ്രകാരം, ആൻറിബയോട്ടിക് മരുന്നുകൾ കഴിക്കുന്നുണ്ടെന്ന കാര്യം ചടങ്ങിനു മുൻപായി ആരോൺ സംഘാടകരെ അറിയിച്ചിരുന്നില്ല. അയവാസ്കയും മരുന്നുകളും തമ്മിലുള്ള ഇടപഴകൽ ‌ ഹൃദയ പ്രവർത്തനത്തിനെ ഗുരുതരമായ പ്രശ്നങ്ങൾ സൃഷ്ടിക്കാമെന്നത് മെഡിക്കൽ ലോകത്ത് തെളിയിക്കപ്പെട്ടതാണ്.

മരണം സംഭവിച്ചതിന് പിന്നാലെ സംഭവസ്ഥലത്ത് അന്വേഷണം ശക്തമാക്കി. യുഎസ് എംബസിയും പെറുവിലെ ടൂറിസ്റ്റുകളോട് അയവാസ്ക പോലുള്ള ഹാലുസിനോജനുകൾക്കെതിരെ മുന്നറിയിപ്പ് നൽകിയിട്ടുണ്ട്. ഡൈമെഥൈൽട്രിപ്റ്റാമൈൻ (DMT) എന്ന സൈക്കോ ആക്റ്റീവ് പദാർത്ഥം അടങ്ങിയ ഈ ലഹരി യുഎസ് ഉൾപ്പെടെയുള്ള നിരവധി രാജ്യങ്ങളിൽ നിരോധിതമാണ്.

അയവാസ്കയുടെ ഉപയോഗം പുതിയത് ഒന്നുമല്ലെങ്കിലും, അമ്മ ഡയാന രാജകുമാരിയുടെ മരണാനന്തരം വിഷാദ രോഗത്തിൽ നിന്നും രക്ഷപ്പെടാന്‍ അയവാസ്ക കഴിച്ചിട്ടുണ്ടെന്ന ഹാരിയുടെ വെളിപ്പെടുത്തല്‍ മദ്യത്തിന്‍റെ വിപണി വീണ്ടും ഉയര്‍ത്തി. എന്നാൽ ഇതിനിടയിലാണ് മരണങ്ങൾ വർധിക്കുന്നത് അമേരിക്കൻ എംബസിയെയും ആരോഗ്യവിദഗ്ദ്ധരെയും ആശങ്കയിലാക്കുന്നത്.

നേരത്തെ, ബൊളീവിയയിൽ ഒരുപ്രത്യേക ചടങ്ങിനിടെ ബ്രിട്ടീഷ് യുവതിയും സമാനമായ ഹാലുസിനോജനിന്റെ ഉപയോഗിച്ചതിനെ തുടർന്ന് മരിച്ചിരുന്നു. ഇത് യുഎസ്, യൂറോപ്പ് തുടങ്ങിയ രാജ്യങ്ങളിൽ ആത്മീയ ടൂറിസം സുരക്ഷിതമാണോ എന്ന ചർച്ചക്കും വഴിവച്ചു.

A 41-year-old American man tragically died after consuming the hallucinogenic brew Ayahuasca during a spiritual ritual in the Peruvian Amazon. He had reportedly taken it as part of alternative treatment for depression. The substance caused internal organ failure, leading to his death.