കുവൈത്ത് സിറ്റി: രാജ്യത്തിനു പുറത്തുപോകാൻ സ്വകാര്യ മേഖലയിൽ  തൊഴിൽ ചെയ്യുന്ന  എല്ലാ ജീവനക്കാർക്കും ഇനി മുതൽ രാജ്യത്ത് നിന്നും പുറത്തേക്ക് യാത്ര ചെയ്യണമെങ്കിൽ  എക്‌സിറ്റ് പെർമിറ്റ്‌ നിർബന്ധമാക്കി. പുതിയ നിയമം ജൂലൈ 1 മുതൽ പ്രാബല്യത്തിൽ വരും. ഇതോടെ എക്സിറ്റ് പെർമിറ്റില്ലാതെ കുവൈത്തിൽ നിന്ന് ഇതര രാജ്യങ്ങളിലേക്ക് പ്രവാസികൾക്ക് യാത്ര ചെയ്യാൻ കഴിയില്ല.സ്വകാര്യ മേഖലയിലെ പ്രവാസി തൊഴിലാളികൾ വിദേശത്തേക്ക് പോകുന്നതിന് മുമ്പ് അവരുടെ, രജിസ്റ്റർ ചെയ്ത തൊഴിലുടമകളിൽ നിന്നാണ് ഔദ്യോഗിക എക്സിറ്റ് പെർമിറ്റ് നേടേണ്ടത്. തൊഴിലാളികളുടെയും തൊഴിലുടമകളുടെയും അവകാശങ്ങൾ സംരക്ഷിക്കാനും പ്രവാസികളുടെ സഞ്ചാരം നിരീക്ഷിക്കാനുമുള്ള ശ്രമങ്ങളുടെ ഭാഗമാണ് നിയമം കൊണ്ടുവരുന്നത്.ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് അൽയൂസഫ് പുറപ്പെടുവിച്ച മന്ത്രിതല സർക്കുലറിലൂടെയാണ് തീരുമാനം ഔദ്യോഗികമാക്കിയത്.ഈ സേവനം 24 മണിക്കൂറും ലഭ്യമായിരിക്കും. നിലവിൽ സർക്കാർ ജീവനക്കാർക്ക് മാത്രമാണ് രാജ്യത്തിന് പുറത്തേക്ക് യാത്ര ചെയ്യുന്നതിന് എക്‌സിറ്റ് പെർമിറ്റ്‌ നിർബന്ധമുള്ളത്.

 

 

Kuwait makes exit permits mandatory for expatriates to leave the country