കൽപറ്റ: വയനാട്ടിൽ പ്രൈവറ്റ് ബസും ടൂറിസ്റ്റ് ബസും കൂട്ടിയിടിച്ച് 85 പേർക്ക് പരുക്ക്. കാട്ടിക്കുളം എയ്ഡ് പോസ്റ്റിനു സമീപമാണ് അപകടമുണ്ടായത്. തിരുനെല്ലി ഭാഗത്തു നിന്നും മാനന്തവാടിയിലേക്കു വരികയായിരുന്ന ടൂറിസ്റ്റ് ബസും മാനന്തവാടിയിൽ നിന്നും തിരുനെല്ലിയിലേക്കു പോകുന്ന സ്വകാര്യ ബസും തമ്മിലാണ് കൂട്ടിയിടിച്ച് അപകടമയുണ്ടായത്.

ആകെ 85 പേർക്കാണ് പരുക്കേറ്റത്. ഇവരിൽ 61 പേരെ ആശുപത്രിയിൽ പ്രവേശിപ്പിച്ചു. ഇവരിൽ രണ്ട് കുട്ടികൾ അടക്കം 49  പേർ ഗവ.മെഡിക്കൽ കോളേജിലും 12 പേർ കാട്ടിക്കുളം പ്രാഥമിക ആരോഗ്യ കേന്ദ്രത്തിലും ചികിത്സയിലാണ്. പരുക്കേറ്റ ആരുടെയും നില ഗുരുതരമല്ല.