അടുക്കളയില്‍ പാത്രം കഴുകാന്‍ ഉപയോഗിക്കുന്ന സ്‌പോഞ്ചുകളിലെ വ്യത്യസ്ത നിറങ്ങള്‍ ശ്രദ്ധയില്‍ പെട്ടിട്ടുണ്ടോ?
പാത്രങ്ങള്‍ കഴുകാനായി പല തരത്തിലുള്ള സ്‌പോഞ്ചുകളും കമ്പികളും മറ്റുപലതും നമ്മള്‍ ഉപയോഗിക്കാറുണ്ട്. എന്നാല്‍ ഈ സ്‌പോഞ്ചുകള്‍ തിരഞ്ഞെടുക്കുമ്പോള്‍ നിറം നോക്കി വേണം വാങ്ങാനും അവ ഉപയോഗിക്കാനും. ഈ കളര്‍കോഡിനെ കുറിച്ച് നമുക്ക് ഒന്നു പരിശോധിക്കാവുന്നതാണ്.

അടുക്കളയിലെ മലിനീകരണം തടയുന്നതിനുള്ള ഒരു സാധാരണ രീതിയാണ് കളര്‍ കോഡിങ് സ്‌പോഞ്ചുകളെന്നാണ് പറയപ്പെടുന്നത്. ഇതുപയോഗിച്ചാണ് പാത്രങ്ങളും ബെയ്‌സിനുകളും കട്ടിങ് ബോഡുമെല്ലാം നിങ്ങള്‍ കഴുകുന്നത്. 

ശരിയായ സ്‌പോഞ്ചുകളുടെ കളര്‍ കോഡിങ് അനുസരിച്ചായിരിക്കണം അടുക്കള വൃത്തിയാക്കേണ്ടത്. പാത്രങ്ങള്‍, പാചകം ചെയ്യുന്ന ഭാഗങ്ങള്‍ തുടങ്ങിയവ വൃത്തിയാക്കുന്നതിനായി ശരിയായ സ്‌പോഞ്ച് തന്നെ നിങ്ങള്‍ക്കു തിരഞ്ഞെടുക്കാവുന്നതാണ്. 

കളര്‍കോഡ്

അടുക്കളയില്‍ ഉപയോഗിക്കാനുള്ള സ്‌പോഞ്ചുകള്‍ അതിന്റെ കളര്‍കോഡ് തിരഞ്ഞെടുക്കുന്നതിലൂടെ ശരിയായ രീതിയില്‍ നിങ്ങള്‍ക്ക് വൃത്തിയാക്കാന്‍ സാധിക്കുന്നതാണ്.

മഞ്ഞ നിറം

വൃത്തിയാക്കുന്നതിനു വേണ്ടി പൊതുവെ ഉപയോഗിക്കുന്ന നിറമാണ് മഞ്ഞ നിറത്തിലുളള സ്‌പോഞ്ച്. ഇത് മിക്ക വീടുകളിലും കാണാവുന്നതാണ്. പലരും അറിയാതെയാണ് കളറുകള്‍ സെലക്ട് ചെയ്യുന്നത്. കിട്ടുന്ന ഒരു സ്‌ക്രബര്‍ എടുത്ത് പാത്രം കഴുകുന്നു എന്നുമാത്രം.  ഇത് മേശകളും കൗണ്ടറുകള്‍ തുടങ്ങിയവ വൃത്തിയാക്കാന്‍ ഉപയോഗിക്കാം. 

പച്ചനിറം

 പച്ച നിറത്തിലുളള പാഡുകള്‍ കടുത്ത കറകള്‍ കളയുന്നതിനായി ഉപയോഗിക്കുന്നവയാണ്. സാധാരണയായി അടുക്കളയില്‍ ഉപയോഗിക്കുന്നതും ഇവയാണ്. ഇത് അകത്തും പുറംഭാഗത്തും സ്‌ക്രബ് ചെയ്യാവുന്നതുമാണ്. മിക്ക അടുക്കളയിലും ഇത് ഉപയോഗിക്കാറുണ്ട്. പച്ചക്കറികള്‍ അരിഞ്ഞ ബോര്‍ഡുകളൊക്കെ ഇതു കൊണ്ട് കഴുകാവുന്നതാണ്. 

ഇളം നിറം

വെള്ളയോ ഇളം നിറമോ ഉള്ള സ്‌പോഞ്ചുകള്‍ ഗ്ലാസുകളും ഗ്ലാസ് പാത്രങ്ങളും അതുപോലെ പോറല്‍ ഏല്‍ക്കാന്‍ സാധ്യതയുള്ള മൃദുവായ പ്രതലങ്ങളുള്ളവയുമായ ഉപകരണങ്ങളും വൃത്തിയാക്കാനായി ഉപയോഗിക്കാവുന്നതാണ്.

ബ്ലാക്ക് 

പുറംഭാഗത്തുണ്ടാകുന്ന കഠിനമായ മാലിന്യങ്ങള്‍ കളയുന്നതിനു വേണ്ടി അപൂര്‍വമായി വീടുകളില്‍ ഇതു കാണാവുന്നതാണ്. 

പിങ്ക് 

സിങ്ക്, കട്ടിങ് ബോര്‍ഡുകള്‍ പോലുള്ള ഭാഗങ്ങള്‍ വൃത്തിയാക്കാന്‍ എടുക്കേണ്ടത് പിങ്ക് ചുവപ്പ് നിറത്തിലുളള സ്‌പോഞ്ചുകളാണ്. ഇവ പ്രധാനമായും ഉപയോഗിക്കേണ്ടത് ഇത്തരം വസ്തുക്കളിലാണ്. അതുകൊണ്ട് തന്നെ അടുക്കളയില്‍ സ്‌ക്രബറുകള്‍ തിരഞ്ഞെടുക്കുമ്പോള്‍ മികച്ചതും കൃത്യമായി എന്തിനുള്ളവയാണെന്നുമൊക്കെ അറിഞ്ഞ് എടുത്ത് ഉപയോഗിച്ചാല്‍ കഴുകുന്ന പാത്രങ്ങള്‍ക്ക് അതിന്റെ നിലവാരം മെച്ചപ്പെടുത്താന്‍ കഴിയും.