ദുബൈ: അടുക്കളയിൽ ഉപയോഗിച്ച പാചക എണ്ണ സിങ്കിലൂടെ ഒഴുക്കുമ്പോൾ എന്താണ് സംഭവിക്കുന്നതെന്ന് എപ്പോഴെങ്കിലും ചിന്തിച്ചിട്ടുണ്ടോ? ദുബൈയിലെ വീടുകളെയും റെസ്റ്റോറന്റുകളെയും ബന്ധിപ്പിക്കുന്ന ഒരു പുതിയ സംരംഭത്തിലൂടെ, ഉപയോഗിച്ച പാചക എണ്ണ ശേഖരിച്ച് ശുദ്ധവും പുനരുപയോഗിക്കാവുന്നതുമായ ഇന്ധനമായ ബയോഡീസലാക്കി മാറ്റുന്ന പരിസ്ഥിതി സൗഹാർദ്ദപരമായ ഒരു പദ്ധതി ആരംഭിച്ചിരിക്കുകയാണ് ദുബൈ.

ALSO READ: ലേബർ സ്റ്റാറ്റസ് ശരിയാക്കുന്നതിനുള്ള ഗ്രേസ് പിരീഡ് നീട്ടി ഒമാൻ; പുതുക്കിയ തീയതി അറിയാം

ദുബൈ മുനിസിപ്പാലിറ്റിയും ഡുബാൽ (DUBAL) ഹോൾഡിംഗിന്റെ ഉപസ്ഥാപനമായ BiOD ടെക്നോളജി FZCOയും തമ്മിലുള്ള പങ്കാളിത്തത്തിലൂടെ, താമസക്കാർക്ക് അവർ ഉപയോ​ഗിച്ച എണ്ണ ഒരു പരിസ്ഥിതി സൗഹൃദ പരിഹാരത്തിന്റെ ഭാഗമാക്കാൻ ഇനി അവസരം ലഭിക്കും. ഈ നീക്കം പൈപ്പുകൾ അടയുന്നത് തടയുകയും പരിസ്ഥിതി നാശം കുറയ്ക്കുകയും ചെയ്യുക മാത്രമല്ല, ദുബൈയുടെ സുസ്ഥിര സമ്പദ്‌വ്യവസ്ഥ എന്ന ദർശനത്തിന് സംഭാവന നൽകുകയും ചെയ്യുന്നു.

പുതുതായി ഒപ്പുവച്ച ഒരു ധാരണാപത്രം (MoU) പ്രകാരം, ബയോഡ് ടെക്നോളജിക്ക് എമിറേറ്റിന്റെ വിവിധ ഭാഗങ്ങളിൽ നിന്ന് ഉപയോഗിച്ച പാചക എണ്ണ (UCO), കൊഴുപ്പുകൾ, എണ്ണകൾ, ഗ്രീസ് (FOG) എന്നിവ ശേഖരിച്ച് കാർബൺ ഉദ്‌വമനം കുറയ്ക്കാൻ സഹായിക്കുന്ന ശുദ്ധമായ ഇന്ധന ബദലായ B100 ബയോഡീസലാക്കി മാറ്റാൻ അധികാരമുണ്ട്.

ALSO READ: യുഎസ് വിസ നിയന്ത്രണങ്ങൾ വീണ്ടും കർശനം: ഇനി നേരിട്ടുള്ള അഭിമുഖത്തിന് ഹാജരാകേണ്ടി വരും; കാലതാമസത്തിനും സാധ്യത

ദുബൈ മുനിസിപ്പാലിറ്റിയിലെ സീവറേജ് ആൻഡ് റീസൈക്കിൾഡ് വാട്ടർ പ്രോജക്ട്സ് ഡിപ്പാർട്ട്‌മെന്റ് ഡയറക്ടർ ഫഹദ് അൽ-അവാദി, ബയോഡ് ടെക്‌നോളജി ബോർഡ് അംഗം യൂസഫ് ബസ്തകി, ബയോഡ് ടെക്‌നോളജി സിഇഒ ശിവ വിഗ് എന്നിവരുൾപ്പെടെയുള്ള മുതിർന്ന ഉദ്യോഗസ്ഥരുടെ സാന്നിധ്യത്തിലാണ് കരാർ ഔദ്യോഗികമായി അംഗീകരിച്ചത്.

Dubai has introduced an innovative project that collects used cooking oil from households and restaurants, converting it into clean and renewable biodiesel. This environmentally friendly initiative aims to promote sustainability and reduce waste. The collected oil is processed into biodiesel, which can be used as a sustainable fuel source